ന്യൂഡൽഹി: കുവൈറ്റിന്റെ പുതിയ അമീറായി ചുമതലയേറ്റ ഷെയ്ഖ് മിഷൽ അൽ അഹമ്മദ് അൽ ജാബിർ അൽ സബാഹിന് ആശംസകളറിയിച്ച് പ്രധാനമന്ത്രി നരേന്ദ്രമോദി. ഇന്ത്യ- കുവൈറ്റ് ബന്ധം വരും വർഷങ്ങളിലും കൂടുതൽ ദൃഢമാകാൻ സാധിക്കട്ടെയെന്നും അദ്ദേഹം പറഞ്ഞു.
” കുവൈറ്റിന്റെ പുതിയ അമീറായി ചുമതലയേറ്റ ഹിസ് ഹൈനസ് ഷെയ്ഖ് മിഷൽ അൽ അഹമ്മദ് അൽ ജാബിർ അൽ സബാഹിന് ആശംസകളും അഭിവാദ്യങ്ങളും അറിയിക്കുന്നു. വരും വർഷങ്ങളിൽ ഇന്ത്യ- കുവൈറ്റ് ബന്ധം കൂടുതൽ ശക്തിപ്പെടുമെന്നും കുവൈറ്റിൽ ഇന്ത്യൻ സമൂഹം വീണ്ടും അഭിവൃദ്ധിപ്പെടുമെന്നും വിശ്വാസമുണ്ട്.” – പ്രധാനമന്ത്രി കുറിച്ചു.
Greetings and felicitations to His Highness Sheikh Meshal Al-Ahmad Al-Jaber Al-Sabah for taking over as the Amir of the State of Kuwait. Confident that our relations will further strengthen in the coming years and the Indian community in Kuwait will continue to flourish.
— Narendra Modi (@narendramodi) December 20, 2023
കഴിഞ്ഞ ദിവസമാണ് കുവൈറ്റിന്റെ 17-ാമത് അമീറായി ഷെയ്ഖ് മിഷൽ അധികാരമേറ്റത്. 16-ാമത് അമീറായി ഷെയ്ഖ് നവാഫ് അൽ അൽ അഹമ്മദ് ജാബിർ അൽ സബാഹിന്റെ പിൻഗാമിയായിട്ടാണ് ഷെയ്ഖ് മിഷൽ അൽ അഹമ്മദ് അധികാരമേറ്റത്. ഗൾഫ്, പ്രാദേശിക, അന്തർദേശീയ പ്രതിബദ്ധതകൾ നിലനിർത്തുമെന്ന് അധികാരമേറ്റതിന് ശേഷം ഷെയ്ഖ് പറഞ്ഞു.
