പൂനെ : ലണ്ടനിൽ ഛത്രപതി ശിവജി മഹാരാജിന്റെ പ്രൗഢഗംഭീരമായ പ്രതിമ സ്ഥാപിക്കുമെന്ന് മന്ത്രി സുധീർ മുൻഗന്തിവാർ .1659-ൽ ബിജാപൂർ സുൽത്താനേറ്റിന്റെ ജനറൽ അഫ്സൽ ഖാനെ വധിക്കാൻ ഉപയോഗിച്ച വാഗ് നാഖ് ആയുധം, ഉടൻ ഇന്ത്യയിലേക്ക് തിരിച്ചെത്തിക്കുമെന്നും അദ്ദേഹം പറഞ്ഞു.
ഛത്രപതി ശിവജി മഹാരാജുമായി ബന്ധപ്പെട്ട സ്ഥലങ്ങളിൽ അദ്ദേഹത്തിന്റെ സ്മരണ സംസ്ഥാന സർക്കാർ സംരക്ഷിക്കുമെന്നും മുൻഗന്തിവാർ പറഞ്ഞു. യഥാർത്ഥ ജനാധിപത്യത്തിന്റെ പിതാവാണ് ഛത്രപതി ശിവജി മഹാരാജ്. അതിനാൽ പാർലമെന്റ് വളപ്പിൽ ശിവാജി മഹാരാജിന്റെ കിരീടധാരണ സ്മരണ ചടങ്ങുകൾക്ക് അവസരമൊരുക്കാൻ പ്രധാനമന്ത്രി നരേന്ദ്ര മോദിയോട് അഭ്യർത്ഥിക്കും . ലണ്ടനിൽ ഛത്രപതി ശിവജി മഹാരാജിന്റെ പ്രതിമ സ്ഥാപിക്കാനുള്ള ചർച്ചകൾ നടക്കുകയാണെന്നും അദ്ദേഹം പറഞ്ഞു.
