സംവിധായകനും തിരക്കഥാകൃത്തുമായ റാഫിയും നാദിർഷയും ആദ്യമായി ഒരുമിക്കുന്നു.’വൺസ് അപ്പോൺ എ ടൈം ഇൻ കൊച്ചി’ എന്ന ചിത്രത്തിലൂടെയാണ് ഇരുവരും ഒരുമിക്കുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്റർ പുറത്തുവിട്ടു. റാഫിയുടെ മകൻ മുബിൻ റാഫിയും നായക നിരയിലേക്ക് എത്തുന്നു എന്ന പ്രത്യേകതയും ചിത്രത്തിനുണ്ട്.
View this post on Instagram
ചിത്രത്തിൽ അർജ്ജുൻ അശോകനും ഷൈൻ ടോം ചാക്കോയും പ്രധാന വേഷങ്ങളിൽ എത്തുന്നുണ്ട്. ദേവിക സഞ്ജയ് ആണ് ചിത്രത്തിലെ നായിക. ഹിഷാം അബ്ദുൾ വഹാബാണ് ചിത്രത്തിന് സംഗീതം ഒരുക്കുന്നത്. കോമഡി ത്രില്ലർ ജോണറിലാണ് ചിത്രം ഒരുങ്ങുന്നത്. ഷാജി കുമാറാണ് ഛായാഗ്രഹണം നിർവ്വഹിക്കുന്നത്. എഡിറ്റിംഗ്- ഷമീർ മുഹമ്മദ്, മേക്കപ്പ്- റോണക്‌സ് സേവ്യറുമാണ്.
