ഇലോൺ മസ്കിന്റെ ഉടമസ്ഥതയിലുള്ള ആർട്ടിഫിഷ്യൽ ഇന്റലിജൻസ് സ്റ്റാർട്ട് അപ്പ് ആയ ഗ്രോക്ക് എഐ ചാറ്റ്ബോട്ട് ഇന്ത്യയിലേക്കും വ്യാപിപ്പിക്കാനൊരുങ്ങുന്നു. എക്സ് എഐ വികസിപ്പിച്ചെടുത്ത ചാറ്റ്ബോട്ടാണ് ഗ്രോക്ക് എഐ. സമൂഹമാദ്ധ്യമ പ്ലാറ്റ്ഫോമായ എക്സിന്റെ പ്രീമിയം പ്ലസ് വരിക്കാർക്കാണ് ഗ്രോക്കിന്റെ സേവനം ലഭ്യമാകുക. ഫോണിൽ നിന്നും ഇതിന്റെ സേവനം ആസ്വദിക്കുന്നവർക്ക് 2,299 രൂപയാണ് പ്രീമിയം സബ്സ്ക്രിപ്ഷൻ നിരക്ക്. 22,900 രൂപയാണ് വാർഷിക നിരക്കെന്നും കമ്പനി അറിയിച്ചിട്ടുണ്ട്.
എന്നാൽ പ്രീമിയം പ്ലസ് വരിക്കാരായ ഡെസ്ക്ട്ടോപ്പ് ഉപയോക്താക്കൾക്ക് പ്രതിമാസം 1,300 രൂപയാണ് നിരക്ക്. ഈ വിഭാഗത്തിൽ ഉൾപ്പെടുന്നവരുടെ വാർഷിക നിരക്ക് 13,600 രൂപയാണ്. ചാറ്റ് ജിപിടി പ്ലസ് സ്ബ്സ്ക്രിപ്ഷനേക്കാൾ ചിലവ് കൂടുതലാണ് ഗ്രോക്ക്. നിലവിൽ നിർമ്മാണ ഘട്ടത്തിലാണ് ഗ്രോക്ക് എഐ. എക്സിന്റെ ഏറ്റവും ഉയർന്ന സബ്സ്ക്രിപ്ഷൻ വരിക്കാർക്കാണ് ഈ ഘട്ടത്തിൽ സേവനം ലഭിക്കുക.
ഫൺ, റഗുലർ എന്നീ രണ്ട് മോഡുകൾ ഗ്രോക്കിന്റെ ജനറേറ്റീവ് ലാഗ്വേജ് മോഡിനുണ്ട്. ഇതിൽ ഫൺ മോഡലിന്റെ പ്രതികരണം രസകരമായ ഭാഷയിലാണ്. റഗുലർ മോഡിലേക്ക് വരുമ്പോൾ സാധാരണ ഭാഷയിലേക്കാകും വരിക. എക്സിൽ നിന്നും തത്സമയ വിവരങ്ങൾ ശേഖരിക്കുന്നതിനുള്ള കഴിവ് ഗ്രോക്കിനുണ്ട്.
