ട്രക്കുമായി കൂട്ടിയിടച്ച ബസിന് തീപിടിച്ച് 13പേർ വെന്തുമരിച്ചു. 16 പേർ ശരീരമാസകലം പൊള്ളലേറ്റ് ഗുരുതരാവസ്ഥയിലാണ്. മദ്ധ്യപ്രദേശിലെ ഗുണ ജില്ലയിൽ ഇന്നലെ അർദ്ധരാത്രിയാണ് സംഭവം. ബസിൽ നിന്ന് കത്തിക്കരിഞ്ഞ മൃതദേഹങ്ങൾ പുറത്തെടുത്തു. ഇതിൽ മിക്കവയും കത്തിച്ചാമ്പലായിട്ടുണ്ട്. പരിക്കേറ്റവരെ ജില്ലാ ആശുപത്രിയിലാണ് പ്രവേശിപ്പിച്ചത്.
ബസിൽ 40 യാത്രക്കാരുണ്ടായിരുന്നതായി എസ്.പി ഖാത്രി പറഞ്ഞു. നിരവധിപേർ ജീവൻ രക്ഷിക്കാൻ ബസിന്റെ ജനാല വഴി പുറത്തുചാടിയിരുന്നു. ഗുണ-ആരോൺ റോഡിലായിരുന്നു സംഭവം. എതിർദിശകളിൽ നിന്ന് വന്ന വാഹനങ്ങളാണ് കൂട്ടിയടിച്ചത്. രക്ഷാ പ്രവർത്തനത്തിന് കളക്ടർ അടക്കമുള്ളവർ നേരിട്ടെത്തി.
മുഖ്യമന്ത്രി മോഹൻ യാദവ്അപകടത്തിൽ ജീവൻ നഷ്ടമായവരുടെ കുടുംബത്തിന് 4 ലക്ഷം രൂപ സഹായദനമായി പ്രഖ്യാപിച്ചു. പരിക്കേറ്റവർക്ക് അടിയന്തരമായി 50,000 രൂപയും നൽകും. നടപടികൾ ഏകോപിപ്പിക്കാൻ മന്ത്രി നിർദ്ദേശം നൽകി.
#MadhyaPradesh: 13 Burnt Alive As Bus Catches Fire After Collision With Dumper In Guna#MP #Fire #Guna pic.twitter.com/CePKXcQlGx
— Free Press Madhya Pradesh (@FreePressMP) December 28, 2023
“>
