മലപ്പുറം: എൻഎസ്എസ് ക്യാമ്പിൽ അദ്ധ്യാപകൻ കുഴഞ്ഞുവീണ് മരിച്ചു. തൃപങ്ങോട് സ്വദേശി ടികെ സുധീഷാണ് മരിച്ചത്. ഇന്ന് രാവിലെയായിരുന്നു സംഭവം. വളാഞ്ചേരി പൂക്കാട്ടേരി ഇസ്ലാമിക് റെസിഡൻഷ്യൽ ഹയർ സെക്കൻഡറി സ്കൂളിലെ അദ്ധ്യാപകനായിരുന്നു സുധീഷ്. മാവന്തിയൂർ സ്കൂളിൽ വച്ച് നടക്കുന്ന എൻഎസ്എസ് ക്യാമ്പിനിടെയായിരുന്നു സംഭവം.
ക്യാമ്പിലുണ്ടായിരുന്നവർ ഉടൻ തന്നെ അദ്ധ്യാപകനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റുമോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും. സംസ്കാരം നാളെ നടക്കും.
