നമ്മൾ എല്ലാവരും നല്ല ഡയറ്റ് പിന്തുടരാൻ ആഗ്രഹിക്കുന്നവരാണ്. രാവിലെ വിഭവ സമ‍ൃദ്ധമായ പ്രാതലിൽ തുടങ്ങി ലഘുവായ അത്താഴത്തിൽ അവസാനിക്കുന്ന ആരോഗ്യകരമായ ഭക്ഷണശീലമാണ് പിന്തുടരേണ്ടത്. പക്ഷെ നമുക്ക് പലപ്പോഴും പാളിച്ച പറ്റുന്നത് വൈകുന്നേരങ്ങളിലെ ചായയോടൊപ്പം കഴിക്കുന്ന സ്നാക്സുകളുടെ കാര്യത്തിലാണ് . എണ്ണയിൽ വറുത്ത പലഹാരങ്ങളാണ് വൈകുന്നേരങ്ങളിൽ മിക്കപ്പോഴും കഴിക്കുന്നത്. ഇത് ശരീരത്തിൽ ആവശ്യമില്ലാത്ത കലോറി നിറയ്‌ക്കുന്നതോടൊപ്പം ശരീരത്തിനാകയും ദോഷകരമാണ് .
നമ്മുടെ പ്രാതലും അത്താഴവും പോലെ വൈകുന്നേരത്തേയ്‌ക്കായി ഭക്ഷണത്തിൽ ക്രമീകരണം നടത്താറില്ല എന്നാണ് ന്യൂട്രീഷനിസ്റ്റുകൾ പറയുന്നത്. ഒന്നുകിൽ നാം റെഡി ടു ഈറ്റ് ഭക്ഷണങ്ങളിലേക്ക് പോകുന്നു അല്ലെങ്കിൽ വൈകുന്നേരത്തെ ഭക്ഷണം പൂർണമായും ഒഴിവാക്കി രാത്രി ഭക്ഷണം ധാരാളം കഴിക്കുന്നു. ഇത് ശാരീരിക ആരോഗ്യത്തിന് ഒട്ടും ഗുണകരമല്ല. അതുകൊണ്ട് ഇത്തരം ശീലങ്ങൾ ഒഴിവാക്കിക്കൊണ്ട് കൂടുതൽ മെച്ചപ്പെട്ട ഭക്ഷണ രീതികൾ നോക്കേണ്ടതുണ്ട്. തൊഴിലിടങ്ങളിൽ കൂടെ കൊണ്ട് പോകാൻ കഴിയുന്ന അത്തരം ഭക്ഷണങ്ങൾ ചുവടെ കൊടുക്കുന്നു.
മുറിക്കാത്ത ഫലങ്ങൾ:-
മുറിക്കാത്ത പഴങ്ങൾ ഒഫീസിലേക്ക് കൊണ്ടുപോകുന്നത് നല്ലതാണ്.മുറിച്ച പഴവർഗ്ഗങ്ങളിൽ പോഷക ഗുണം കുറവായതിനാലാണ് മുറിക്കാത്ത പഴവർഗ്ഗങ്ങൾ കൊണ്ടുപോകാൻ നിർദ്ദേശിച്ചിരിക്കുന്നത്.മാത്രമല്ല ഇത് വയറു നിറയ്‌ക്കുന്നു, കലോറിയും കുറവാണ്. ആപ്പിൾ,മുന്തിരി, ഓറഞ്ച്, വാഴപ്പഴം ഇങ്ങനെ ഏതുപഴവും വോകുന്നേരത്തേയ്‌ക്കായി കരുതാവുന്നതാണ്.
പഴങ്ങൾ+ തൈര്:-
പഴങ്ങൾക്കൊപ്പം അല്പം തൈര് ചാലിച്ച് വൈകുന്നേരങ്ങളിൽ കഴിക്കുന്നതും ആരോഗ്യത്തിന് ഉത്തമമാണ്.
പ്രോട്ടീൻ ഷേക്ക്:-
പ്രോട്ടീൻ പൗഡർ കഴിക്കുന്നവർ ഇത് കലർത്തിയ പാനീയം കൈയ്യിൽ കരുതുന്നതും നല്ലതായിരിക്കും. വൈകുന്നേരങ്ങളിലെ ലഘു ഭക്ഷണമായി ഇത് ഉപയോഗിക്കാം.
മക്കാന:-
വൈകുന്നേരങ്ങളിൽ താമരയുടെ വിത്ത് ,അണ്ടിപ്പരിപ്പ്, എന്നിവയിലേതെങ്കിലും ഉപയോഗിക്കുന്നതും നല്ലതായിരിക്കും.
ചോളപ്പൊരി(പോപ്‌കോൺ):-
വൈകുന്നേരങ്ങളിൽ ചൂട് വായു ഉപയോഗിച്ച് തയ്യാറാക്കിയ അൽപം സ്‌പൈസിയായ പോപ്‌കോണോ,ചോക്ലെറ്റ് പോപ്‌കോണോ ഉപയോഗിക്കുന്നത് നല്ലതാണ്
സ്വീറ്റ് പൊട്ടറ്റോ(മധുരക്കിഴങ്ങ്):-
സ്വീറ്റ് പോട്ടറ്റോ നന്നായി കഴുകി വട്ടത്തിൽ മുറിച്ച് ചൂടുവായുവിൽ മൊരിച്ച് കഴിക്കുന്നതും നല്ലതായിരിക്കും.
മുട്ട:-
ഒന്നോ രണ്ടോ മുട്ട ഉപയോഗിച്ചുകൊണ്ടുള്ള രുചികരമായ സ്‌നാക്കുകൾ വളരെയധികം ആരോഗ്യകരമാണ്. ഇതും വൈകുന്നേരങ്ങളിൽ നല്ലതാണ്.
