ഇന്ത്യൻ ടീമിനെ പരിഹസിച്ച മുൻ ഇന്ത്യൻ നായകൻ മൈക്കൽ വോണിന് മറുപടിയുമായി ഇന്ത്യൻ താരം ആർ അശ്വിൻ. ക്രിക്കറ്റിൽ നേട്ടങ്ങൾ സ്വന്തമാക്കാൻ കഴിയാത്ത ടീമാണ് ഇന്ത്യയെന്ന വോണിന്റെ പരാമർശത്തിനാണ് തന്റെ യൂട്യൂബ് ചാനലിലൂടെ താരം മറുപടി നൽകിയത്. മുൻ ഇംഗ്ലണ്ട് നായകൻ വോണിന്റെ പരാമർശം കേട്ടിട്ട് എനിക്ക് ചിരിയാണ്് വന്നതെന്നും ബുദ്ധിയുള്ളവർ അത് ചിന്തിച്ച് നോക്കട്ടെയെന്നുമാണ് അശ്വിൻ പറഞ്ഞത്.
വർഷങ്ങളായി ഞങ്ങൾ ഐസിസി കിരീടങ്ങൾ നേടിയിട്ടില്ലെന്നത് യാഥാർത്ഥ്യമാണ്. ടെസ്റ്റ് ക്രിക്കറ്റിലെ മികച്ച ടീമുകളിലൊന്നാണ് ഇന്ത്യയെന്നാണ് എന്റെ വിലയിരുത്തൽ. മികച്ച വിജയങ്ങളും ടെസ്റ്റ് ക്രിക്കറ്റിൽ ഇന്ത്യ നേടിയിട്ടുണ്ട്. ഇവിടുത്തെ ജനങ്ങൾക്ക് ക്രിക്കറ്റൊരു മതമാണ്. അതുകൊണ്ടാണ് അനാവശ്യ വിമർശനങ്ങളുണ്ടാകുന്നത്. തുടർച്ചയായ രണ്ട് ലോക ടെസ്റ്റ്് ചാമ്പ്യൻഷിപ്പുകളിൽ ഞങ്ങൾ തോറ്റിരുന്നു. പക്ഷേ ടെസ്റ്റ് പരമ്പരകളിൽ ഇന്ത്യയ്ക്ക് തിരിച്ച് വരാൻ സാധിക്കും. അത് പലതവണ ടീം തെളിയിച്ചതുമാണ്. – അശ്വിൻ പറഞ്ഞു.
ദക്ഷിണാഫ്രിക്കയ്ക്കെതിരായ രണ്ട് മത്സരങ്ങളുടെ പരമ്പര ഇന്ത്യ 1-1ന് സമനിലയിലാക്കിയിരുന്നു. ഓസ്ട്രേലിയയിൽ തങ്ങളുടെ അവസാന രണ്ട് ടെസ്റ്റ് പരമ്പരകളും ഇന്ത്യ സ്വന്തമാക്കി. 2022 ൽ ഇംഗ്ലണ്ടിനെതിരെയും ടീം സമനില നേടിയിരുന്നു.
