മുംബൈ: വെസ്റ്റേൺ റെയിൽവേ ആസ്ഥാന കെട്ടിടം 125 വർഷം പൂർത്തിയാക്കിയതിൽ പ്രദർശനം സംഘടിപ്പിച്ചു. മുംബൈ പബ്ലിക് റിലേഷൻസ് ഡിപ്പാർട്ട്മെന്റാണ് പ്രദർശനം സംഘടിപ്പിച്ചിരിക്കുന്നത്. ചർച്ച്ഗേറ്റിലെ വെസ്റ്റേൺ റെയിൽവേയുടെ ആസ്ഥാനത്ത് രാവിലെ 10 മണി മുതൽ രാത്രി 8 വരെയായിരുന്നു പ്രദർശനം. ജനുവരി 7ന് ആരംഭിച്ച പ്രദർശനം നാളെയോടെ അവസാനിക്കും.
വെസ്റ്റേൺ റെയിൽവേയുടെ ആദ്യ കാല ചരിത്രമാണ് പ്രദർശനത്തിന്റെ ആകർഷണിയത. വെസ്റ്റേൺ റെയിൽവേയുടെ ഉത്ഭവം, ചരിത്ര പ്രാധാന്യമുള്ള കെട്ടിടത്തിന്റെ നിർമ്മാണം, തിരഞ്ഞെടുത്ത പൈതൃക പുരാവസ്തുക്കളുടെ പ്രദർശനം, ഫോട്ടോ ഗാലറി എന്നിവ പ്രദർശനത്തിൽ ഉൾപ്പെടുത്തിയിട്ടുണ്ട്. മുൻകാലങ്ങളിൽ ഇന്ത്യൻ റെയിൽവേയുടെ വിവിധ തീമുകളെ അധാരമാക്കിയുള്ള സ്റ്റാമ്പുകളുടെ പ്രദർശനവും വന്ദേ ഭാരതിന്റെ മാതൃകയും പ്രദർശനത്തിൽ സ്ഥാപിച്ചിട്ടുണ്ട്