ന്യൂഡൽഹി: രാജ്യത്തെ പരമോന്നത കായിക ബഹുമതികൾക്ക് അർഹരായവരെ അഭിനന്ദിച്ച് പ്രധാനമന്ത്രി നരേന്ദ്രമോദി. ഖേൽരത്‌ന, അർജുന, ദ്രോണാചാര്യ അവാർഡ് ഉൾപ്പെടെയുള്ള വിവിധ പുരസ്‌കാരങ്ങൾ നേടിയവരെ എക്‌സിലൂടെയാണ് പ്രധാനമന്ത്രി അഭിനന്ദിച്ചത്. ഇന്ന് ഡൽഹിയിൽ നടന്ന ചടങ്ങിൽ രാഷ്‌ട്രപതി ദ്രൗപദി മുർമുവാണ് അവാർഡുകൾ സമ്മാനിച്ചത്.
2023-ലെ രാജ്യത്തിന്റെ പരമോന്നത കായിക പുരസ്‌കാരങ്ങൾക്ക് അർഹരായവർക്ക് അഭിനന്ദങ്ങൾ. നിങ്ങളുടെ നേട്ടങ്ങളും രാജ്യത്തോടുള്ള കൂറും എന്നും ഞങ്ങൾക്ക് പ്രചോദനമാണ്. കായിക രംഗത്തെ നിങ്ങളുടെ നേട്ടങ്ങൾക്ക് പുറമെ അന്താരാഷട്ര രംഗത്ത് ഭാരതത്തിന്റെ ത്രിവർണ പതാക വാനോളം ഉയർത്താനും നിങ്ങൾക്ക് സാധിച്ചു.- പ്രധാനമന്ത്രി എക്‌സിൽ കുറിച്ചു.
Congratulations to the illustrious winners of the National Sports and Adventure Awards 2023. Their remarkable achievements and unwavering dedication are an inspiration to our nation. They have not only excelled in their respective fields but also raised India’s flag high on the… https://t.co/51tbEBxdHp
— Narendra Modi (@narendramodi) January 9, 2024
“>
മേജർ ധ്യാൻചന്ദ് ഖേൽരത്‌ന പുരസ്‌കാരം ലഭിച്ച ബാഡ്മിന്റൻ താരങ്ങളായ ചിരാഗ് ഷെട്ടി, സാത്വിക് സായ്‌രാജ് എന്നിവർ ചടങ്ങിനെത്തിയില്ല. നിലവിൽ മലേഷ്യ ഓപ്പൺ 1000 ടൂർണമെന്റിൽ പങ്കെടുക്കുകയാണ് ഇരുവരും. ക്രിക്കറ്റ് താരം മുഹമ്മദ് ഷമി, മലയാളി ലോംഗ് ജമ്പ് താരം എം. ശ്രീശങ്കർ തുടങ്ങിയവരുൾപ്പെടെ 26 പേർ അർജുന പുരസ്‌കാരങ്ങൾ രാഷട്രപതിയിൽ നിന്ന് സ്വീകരിച്ചു.
