ലോകത്തെ മികച്ച പാലുത്പന്ന പാനീയമായി മാംഗോ ലസ്സി. വടക്കേ ഇന്ത്യക്കാരുടെ പ്രിയപ്പെട്ട വിഭവമാണ് വേനൽ ചൂടിൽ നിന്നും ആശ്വാസം നൽകുന്ന മാംഗോ ലസ്സി. ട്രാവൽ ഗൈഡായ ടെസ്റ്റ് അറ്റ്ലസിന്റെ പട്ടികയിലാണ് ഇന്ത്യൻ വിഭവം ഒന്നാം സ്ഥാനം കരസ്ഥമാക്കിയത്.
തൈരും പഴുത്ത മാമ്പഴവും ഒന്നിപ്പിച്ച് തയ്യാറാക്കുന്ന സ്വാദൂറും വിഭവമാണ് മാംഗോ ലസ്സി. ഏലയ്ക്കയും പഞ്ചസാരയും കൂടി ചേരുന്നതോടെ ലസ്സിയുടെ രുചിയേറുന്നു. ലസ്സി ആധിപത്യമെന്നാണ് പട്ടിക പുറത്തുവിട്ടതിന് പിന്നാലെ ലസ്സി പ്രേമികൾ സമൂഹമാദ്ധ്യമങ്ങളിലൂടെ പങ്കുവെക്കുന്നത്.
View this post on Instagram
മികച്ചതിൽ മികച്ചത് എന്നാണ് മറ്റൊരു ഉപയോക്താവ് കുറിച്ചത്. ആഗോളതലത്തിൽ ലസ്സി ഇഷ്ടപ്പെടുന്നവർ ധാരാളമാണെന്ന് തെളിക്കുന്നതായിരുന്നു ടേസ്റ്റ് അറ്റ്ലസിന്റെ പോസ്റ്റിന്റെ കമന്റെ സെക്ഷൻ.
ലോകത്തെ മികച്ച പാലുത്പന്ന പാനീയമായി മാംഗോ ലസ്സിയെ തിരഞ്ഞെടുത്തപ്പോൾ നാലാം സ്ഥാനത്തും ഇന്ത്യൻ ലസ്സി തന്നെയാണ്. പഞ്ചാബി ലസ്സിയാണ് നാലം സ്ഥാനം കരസ്ഥമാക്കിയത്. സ്വീറ്റ് ലസ്സി, ഉപ്പിട്ട ലസ്സി, പുതിന ലസ്സി തുടങ്ങിയവയാണ് പട്ടികയിൽ ഉൾപ്പെട്ട മറ്റ് ലസ്സികൾ.
മാംഗോ ലസ്സി
ചേരുവകൾ
- തൈര്-ഒരു കപ്പ്
- മാമ്പഴം-1
- ഐസ് ക്യൂബ്സ്
- പഞ്ചസാര- ആവശ്യത്തിന്
തയ്യാറാക്കുന്ന വിധം
മിക്സിയുടെ ജാറിലേക്ക് തൈര്, പഴുത്ത മാമ്പഴം കഷ്ണങ്ങളാക്കിയത്, ഐസ് ക്യൂബ്സ് പഞ്ചസാര എന്നിവ ചേർത്ത് അടിച്ചെടുത്താൽ സ്വാദിഷ്ഠമായ മാംഗോ ലസ്സി തയ്യാർ.
