തൃശൂർ: ചേലക്കരയിൽ വീണ്ടും കാട്ടാനയിറങ്ങി. ചേലക്കര തോട്ടേക്കോട് ജനവാസ മേഖലയിലാണ് കാട്ടാനക്കൂട്ടം ഇറങ്ങിയത്. രാത്രി രണ്ട് മണിയോടുകൂടി ശബ്ദം കേട്ട് പുറത്തിറങ്ങിയ പ്രദേശവാസികളാണ് ആനയെ കണ്ടത്. ജനവാസ മേഖലയിലിറങ്ങിയ കാട്ടാന പ്രദേശത്തെ കൃഷി നശിപ്പിച്ചു.
പ്രദേശവാസികളായ ഷെരീഫ്, ഇബ്രാഹിം എന്നിവരുടെ നൂറോളം വാഴകളും അബ്ദുറഹ്മാൻ എന്നയാളുടെ തെങ്ങും ആന നശിപ്പിച്ചു. രണ്ട് മാസം മുമ്പും പ്രദേശത്ത് ആനയിറങ്ങിയിരുന്നു. ഒന്നിലധികം ആനകളാണ് കൃഷി നശിപ്പിച്ചതെന്ന് പ്രദേശവാസികൾ പറഞ്ഞു.
