പാലക്കാട്: ജനങ്ങളുടെ യജമാനൻമാരാണ് മന്ത്രിമാരെന്ന് കരുതരുതെന്ന് വൈദ്യുതിമന്ത്രി കെ.കൃഷ്ണൻകുട്ടി. അധികാരത്തിലിരിക്കാൻ കാരണം ജനങ്ങളാണെന്ന ഉത്തമ ബോധ്യം എല്ലാവർക്കും ഉണ്ടായിരിക്കണം. അധികാരം എപ്പോൾ വേണമെങ്കിലും നഷ്ടപ്പെട്ടേക്കാമെന്ന ചിന്ത വേണമെന്നും അദ്ദേഹം പറഞ്ഞു. പാലക്കാട് കെഎസ്ഇബിയുടെ മീറ്റർ ടെസ്റ്റിംഗ് ലബോറട്ടറി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
”ജനങ്ങൾക്ക് വേണ്ടിയാണ് പ്രവർത്തിക്കുന്നതെന്ന ചിന്ത നമ്മളിൽ പലരുടേയും മനസിലേക്ക് വരുന്നില്ല. മന്ത്രിയായാൽ ഞാൻ യജമാനനാണെന്നു കരുതരുത്. ഇവിടുത്തെ ജനങ്ങൾക്ക് മുഴുവനും സഭയിൽ എത്താൻ ആകില്ല. അതുകൊണ്ടാണ് അവർ സഭയിലേക്ക് നമ്മളെ അയച്ചത്. യഥാർത്ഥ ഉടമസ്ഥർ ജനങ്ങളാണെന്ന ബോധ്യം നാം എല്ലാവരുടെയും മനസ്സിൽ വേണം.” കൃഷ്ണൻകുട്ടി പറഞ്ഞു.
