അയോദ്ധ്യ നാളെ പ്രാണപ്രതിഷ്ഠയക്ക് ഒരുങ്ങുകയാണ്. രാജ്യമൊട്ടുക്കെ ഈ ചരിത്ര നിമിഷത്തിനായി കാത്തിരിക്കുകയാണ്. ഈ അവസരത്തിൽ തന്റെ മനസിലെ സന്തോഷം പങ്കുവച്ചിരിക്കുകയാണ് മലയാളികളുടെ പ്രിയതാരം ഉണ്ണി മുകുന്ദൻ. ശ്രീരാമൻ സ്വന്തം മന്ദിരത്തിലേക്ക് മടങ്ങാൻ ഇനി മണിക്കൂറികൾ മാത്രം എന്നാണ് താരത്തിന്റെ വാക്കുകൾ. സമൂഹമാദ്ധ്യമങ്ങളിലൂടെയാണ് ഉണ്ണി മുകുന്ദൻ തന്റെ സന്തോഷം പങ്കുവച്ചത്.
എന്റെ ഭഗവാൻ സ്വന്തം മന്ദിരത്തിലേക്ക് മടങ്ങിയെത്താൻ ഇനി മണിക്കൂറുകൾ മാത്രം. ജീവിതത്തിലെ ഏറ്റവും വലിയ സന്തോഷം ഞാൻ ഇപ്പോൾ അനുഭവിക്കുന്നു. എല്ലാവർക്കും ഐശ്വര്യമുണ്ടാകാനായി പ്രാർത്ഥിക്കുന്നു, ജയ് ശ്രീറാം. ഉണ്ണി മുകുന്ദൻ കുറിച്ചു.
പ്രാണപ്രതിഷ്ഠയോടനുബന്ധിച്ച് ജനുവരി 22-ന് എല്ലാവരും വീടുകളിലും പരിസരങ്ങളിലും ശ്രീരാമജ്യോതി തെളിയിക്കണമെന്ന് കഴിഞ്ഞ ദിവസം ഉണ്ണി മുകുന്ദൻ ആവശ്യപ്പെട്ടിരുന്നു. ശ്രീരാമന്റെ വരവ് പ്രമാണിച്ച് ഈ വർഷം ദീപാവലി ജനുവരിയിൽ വരുന്നതിന് തുല്യം! രാജാവ് സിംഹാസനം ഏറ്റെടുക്കാനുള്ള യാത്രയിലാണ് എന്നായിരുന്നു ഉണ്ണിമുകുന്ദന്റെ വാക്കുകൾ.
