അയോദ്ധ്യയിലെ പ്രാണപ്രതിഷ്ഠ ചടങ്ങിനിടെ പൊട്ടിക്കരഞ്ഞ് ഗായകൻ സോനുനിഗം. ചടങ്ങിന് സാക്ഷിയാകാൻ അതിരാവിലെ തന്നെ ഗായകൻ അയോദ്ധ്യയിലെത്തിയിരുന്നു. ഭക്തർക്കായി പ്രശസ്ത രാമഭജനും താരം ആലപിച്ചിരുന്നു. ഇതിന്റെ വീഡിയോയും പുറത്തുവന്നിരുന്നു.
ഇപ്പോൾ ഗായകൻ വികാരാധീനനായി കണ്ണീരണിയുന്നൊരു വീഡിയോയാണ് സോഷ്യൽ മീഡിയയിൽ വൈറലാവുന്നത്. എ.എൻ.ഐയുമായി സംസാരിക്കുന്നതിനിടെയാണ് താരം കണ്ണീർ വാർത്തത്. റിപ്പോർട്ടർ ഇതിനിടെ സോനു നിഗത്തോട് ചോദിക്കുന്നുമുണ്ട് എന്തിനാണ് കരയുന്നതെന്ന്. എന്നാൽ താരത്തിന് വാക്കുകളൊന്നുമുണ്ടായിരുന്നില്ല.
റാം സിയ റാം, മംഗൾ ഭാവാൻ അമംഗൾ ഹാരി തുടങ്ങിയ ഭജനുകളാണ് താരം ക്ഷേത്ര സന്നിധിയിൽ ആലപിച്ചത്.
“ഈ ഒരു പുണ്യ കാലഘട്ടത്തിൽ ജനിക്കാൻ ദൈവം നമ്മെ തിരഞ്ഞെടുത്തുവെന്നത് വളരെ സന്തോഷകരമാണ്. ക്ഷണം ലഭിച്ച ഭാഗ്യവാന്മാരിൽ ഒരാളാണ് ഞാൻ “, അദ്ദേഹം പറഞ്ഞു.
