ലക്നൗ; അയോദ്ധ്യാപതിയുടെ തിരിച്ചു വരവ് ആഘോഷമാക്കിയിരിക്കുകയാണ് രാജ്യമെമ്പാടുമുള്ള ജനങ്ങൾ. സിനിമ, സീരിയൽ, വ്യവസായ രംഗത്തിൽ നിന്നുള്ള ഒട്ടനവധി പ്രമുഖരാണ് പ്രാണ പ്രതിഷ്ഠ ചടങ്ങിൽ പങ്കെടുക്കാനെത്തിയത്. രാമനഗരിയിൽ ചടങ്ങിനെത്തിയ പ്രമുഖ ട്രാവൽ ഏജൻസിയായ ഈസ് മൈ ട്രിപ്പിന്റെ സഹ സ്ഥാപകനായ നിഷാന്ത് പിട്ടിയുടെ വാക്കുകളാണ് ഇപ്പോൾ ശ്രദ്ധേയമാകുന്നത്.
” ഓരോ ഭാരതീയനും ഒരു ചരിത്ര നിമിഷത്തിലൂടെയാണ് കടന്നു പോകുന്നത്. ഈ ശുഭദിനം ദശലക്ഷക്കണക്കിന് ഇന്ത്യക്കാരുടെ ഹൃദയത്തിൽ ഐക്യവും ആഘോഷവും പ്രതിധ്വനിക്കുന്നു. ശ്രീരാമൻ നമ്മുടെ ജീവിതത്തിൽ സന്തോഷവും സമാധാനവും സമൃദ്ധിയും നിറയ്ക്കട്ടെ.”- നിഷാന്ത് പിട്ടി പറഞ്ഞു.
#WATCH | Ayodhya, Uttar Pradesh: Co-founder of EaseMyTrip, Nishant Pitti says “This is like a historic moment for every Indian. We got goosebumps as soon as we came here…” pic.twitter.com/dDHkUzuzIz
— ANI (@ANI) January 22, 2024
പരമ്പരാഗതമായ വസ്ത്രങ്ങളണിഞ്ഞാണ് അദ്ദേഹം ശ്രീരാമ ജന്മഭൂമിയിൽ എത്തിയത്. രാമനഗരിയിൽ എത്തിയപ്പോൾ തന്നെ രോമാഞ്ചമുണ്ടായതായും അദ്ദേഹം പറഞ്ഞു. ഓരോ ഭാരതീയന്റെയും 500 വർഷങ്ങളുടെ കാത്തിരിപ്പിനാണ് ഇന്ന് അയോദ്ധ്യയിൽ വിരാമം കുറിച്ചത്.
