ഡൽഹി: അയോദ്ധ്യാ രാമക്ഷേത്രത്തിലെ പ്രാണപ്രതിഷ്ഠാ ചടങ്ങുകൾ പൂർത്തിയാക്കിയതിന് പിന്നാലെ വമ്പൻ പദ്ധതി പ്രഖ്യാപിച്ച് പ്രധാനമന്ത്രി നരേന്ദ്രമോദി. ഒരു കോടി കുടുംബങ്ങൾക്ക് കീഴിൽ ‘പ്രധാനമന്ത്രി സൂര്യോദയ യോജന’ നരേന്ദ്രമോദി പ്രഖ്യാപിച്ചു. ഒരു കോടി വീടുകളുടെ മേൽക്കൂരയിൽ സോളാൻ പാനലുകൾ സ്ഥാപിക്കുന്ന പദ്ധതിയാണിത്. അയോദ്ധ്യയിൽ നടപ്പിലാക്കാൻ പോകുന്ന പദ്ധതിയെ കുറിച്ച് പ്രധാനമന്ത്രിയുടെ ഓഫീസ് പ്രതികരിച്ചു.
അയോദ്ധ്യയിലെ പ്രാണ പ്രതിഷ്ഠയുടെ ശുഭകരമായ അവസരത്തിൽ, ഇന്ത്യയിലെ ജനങ്ങൾക്ക് അവരുടെ വീടുകളുടെ മേൽക്കൂരയിൽ സൗരോർജ്ജ സംവിധാനം സ്ഥാപിക്കുന്ന പദ്ധതിയിലേയ്‌ക്ക് കടന്നു. അയോദ്ധ്യയിൽ നിന്ന് മടങ്ങിയെത്തിയ ശേഷം പ്രധാനമന്ത്രി എടുത്ത ആദ്യ തീരുമാനമാണിത്. 1 കോടി വീടുകളിൽ റൂഫ്‌ടോപ്പ് സോളാർ സ്ഥാപിക്കുക എന്നതാണ് ലക്ഷ്യം. ഇതിന്റെ ഭാഗമായി ‘പ്രധാനമന്ത്രി സൂര്യോദയ യോജന’ ആരംഭിക്കും.
सूर्यवंशी भगवान श्री राम के आलोक से विश्व के सभी भक्तगण सदैव ऊर्जा प्राप्त करते हैं।
आज अयोध्या में प्राण-प्रतिष्ठा के शुभ अवसर पर मेरा ये संकल्प और प्रशस्त हुआ कि भारतवासियों के घर की छत पर उनका अपना सोलर रूफ टॉप सिस्टम हो।
अयोध्या से लौटने के बाद मैंने पहला निर्णय लिया है कि… pic.twitter.com/GAzFYP1bjV
— Narendra Modi (@narendramodi) January 22, 2024
പാവപ്പെട്ടവരുടെയും ഇടത്തരക്കാരുടെയും വൈദ്യുതി ബിൽ കുറയ്ക്കുക, ഊർജ മേഖലയിൽ ഇന്ത്യയെ സ്വയം പര്യാപ്തമാക്കുക എന്നതാണ് ‘പ്രധാനമന്ത്രി സൂര്യോദയ യോജന’ എന്ന പദ്ധതിയുടെ ലക്ഷ്യം- പ്രധാനമന്ത്രിയുടെ ഓഫീസ് വ്യക്തമാക്കി. “ലോകത്തിലെ എല്ലാ ഭക്തജനങ്ങൾക്കും എപ്പോഴും ഊർജ്ജം ലഭിക്കുന്നത് സൂര്യവംശിയായ ശ്രീരാമന്റെ പ്രകാശത്തിൽ നിന്നാണ്” എന്ന് എക്സിൽ കുറിച്ചു കൊണ്ടായിരുന്നു പദ്ധതിയെപ്പറ്റി നരേന്ദ്രമോദി പ്രതികരിച്ചത്.
