ലണ്ടൻ: ശസ്ത്രക്രിയക്കായി ചാൾസ് മൂന്നാമൻ രാജാവിനെ ആശുപത്രിയിൽ പ്രവേശിപ്പിച്ചു. പ്രോസ്റ്റേറ്റ് ഗ്രന്ഥി വലുതായതിനെ തുടർന്നുള്ള ശസ്ത്രക്രിയക്കാണ് ചാൾസ് മൂന്നാമനെ ആശുപത്രിയിൽ പ്രവേശിപ്പിച്ചിരിക്കുന്നത്. ഇക്കാര്യം ബക്കിംഗ് ഹാം കൊട്ടാരമാണ് പ്രസ്താവനയിലൂടെ അറിയിച്ചിരിക്കുന്നത്. ഇന്ന് രാവിലെയാണ് ലണ്ടനിലെ ആശുപത്രിയിൽ പ്രവേശിപ്പിച്ചത്.
ലണ്ടനിലെ സ്വകാര്യ ആശുപത്രിയിലാണ് ശസ്ത്രക്രിയക്ക് പ്രവേശിപ്പിച്ചിരിക്കുന്നത്. ശസ്ത്രക്രിയയെക്കുറിച്ചുള്ള കൂടുതൽ കാര്യങ്ങൾ ഇതുവരെയും പുറത്ത് വിട്ടിട്ടില്ല. രാജാവിന്റെ സുഖ വിവരങ്ങൾ അന്വേഷിക്കുന്നവർക്കും അദ്ദേഹത്തിനായി പ്രാർത്ഥിക്കുന്നവർക്കും ബക്കിംഗ്ഹാം കൊട്ടാരം നന്ദി അറിയിച്ചിട്ടുണ്ട്.
എലിസബത്ത് രാജ്ഞിയുടെ മരണത്തെ തുടർന്ന് 2022 സെപ്റ്റംബർ 8-നാണ് ചാൾസ് മൂന്നാമൻ രാജാവിനെ സ്ഥാനമേറ്റത്. ബ്രിട്ടീഷ് ചരിത്രത്തിലെ ഏറ്റവും പ്രായം കൂടിയ രാജാവ് കൂടിയാണ് ചാൾസ് മൂന്നാമൻ.
