ഓസ്ട്രേലിയൻ ഓപ്പണിൽ രാജ്യത്തിന് അഭിമാനമായി രോഹൻ ബൊപ്പണ. പുരുഷ വിഭാഗം ഡബിൾസിലാണ് രോഹൻ ബൊപ്പണ- മാത്യു എബ്ഡൻ സഖ്യം കിരീടം നേടിയത്. ഫൈനലിൽ ഇറ്റലിയുടെ സിമോൺ ബൊല്ലെലി- ആൻഡ്രിയ വവസേറി സഖ്യത്തെയാണ് പരാജയപ്പെടുത്തിയത്. സ്കോർ 7-6, 7-5.
ബൊപ്പണയുടെ കരിയറിലെ ആദ്യ ഗ്രാൻഡ് സ്ലാം കിരീടമാണിത്. എബ്ഡന്റേത് രണ്ടാം ഗ്രാൻഡ് സ്ലാം കിരീടമാണ്. കഴിഞ്ഞ ദിവസം ബൊപ്പണ റാങ്കിംഗിൽ ഒന്നാമതെത്തിയിരുന്നു. ലോക ഒന്നാം നമ്പർ താരമാകുന്ന ഏറ്റവും പ്രായം കൂടിയ വ്യക്തിയാണ് 43-കാരനായ ബൊപ്പണ.
