അറബികടലിൽ കരുത്തുകാട്ടി ഇന്ത്യൻ നാവികസേന; കടൽക്കൊള്ളക്കാർ തട്ടിയെടുത്ത ഇറാനിയൻ ബോട്ട് മോചിപ്പിച്ചു

എറണാകുളം: സോമാലിയൻ കടൽക്കൊള്ളക്കാർ തട്ടിയെടുത്ത മത്സ്യബന്ധന ബോട്ട് മോചിപ്പിച്ച് ഇന്ത്യൻ നാവികസേന. നാവികസേനയുടെ യുദ്ധക്കപ്പലായ ഐഎൻഎസ് സുമിത്രയാണ് രക്ഷാദൗത്യത്തിൽ പങ്കാളിയായത്. കൊച്ചിയിൽ നിന്നും 700 നോട്ടിക്കൽ മൈൽ അകലെ വച്ചാണ് ഇറാനിയൻ മത്സ്യബന്ധന ബോട്ടായ എംവി ഇമാൻ സോമാലിയൻ കടൽക്കൊള്ളക്കാർ തട്ടിയെടുത്തത്. 17 ജീവനക്കാരായിരുന്നു ബോട്ടിൽ ഉണ്ടായിരുന്നത്.

Swift response by #IndianNavy‘s Mission Deployed warship ensures safe release of hijacked vessel & crew.#INSSumitra, on #AntiPiracy ops along East coast of #Somalia & #GulfofAden, responded to a distress message regarding hijacking of an Iranian flagged Fishing Vessel (FV)… pic.twitter.com/AQTkcTJvQo

— SpokespersonNavy (@indiannavy) January 29, 2024

“>

കടൽക്കൊള്ളക്കാർ ബോട്ട് റാഞ്ചിയതിന് പിന്നാലെ ജീവനക്കാരിൽ നിന്ന് നാവികസേനയക്ക് സഹായാഭ്യർത്ഥന ലഭിക്കുകയായിരുന്നു. തുടർന്ന് ബോട്ട് വളഞ്ഞ നാവികസേന കടൽക്കൊള്ളക്കാരെ തുരത്തുകയായിരുന്നു. രക്ഷാദൗത്യം പൂർത്തിയാക്കിയതിന് ശേഷം എംവി ഇമാനെയും ജീവനക്കാരെയും നാവികസേന സുരക്ഷിത സ്ഥാനത്തെത്തിച്ചു.