തീരങ്ങൾ സംരക്ഷിക്കുന്നതിനും നിയമവിരുദ്ധ പ്രവർത്തനങ്ങൾ തടയുന്നതിനും സമുദ്ര സമ്പത്തിനെ പരിപാലിക്കുന്നതിലും ഇന്ത്യൻ കോസ്റ്റ് ഗാർഡ് വഹിക്കുന്ന പങ്ക് ചെറുതല്ല. എല്ലാ വർഷവും ഫെബ്രുവരി 1-ന് ഇന്ത്യൻ കോസ്റ്റ് ഗാർഡ് ദിനമായി ആചരിക്കുന്നു. രാജ്യത്തിന്റെ സമുദ്ര സുരക്ഷയ്ക്കായി നിലകൊള്ളുന്ന തീരസംരക്ഷ സേനയ്ക്ക് 48-ാം ഇന്ത്യൻ കോസ്റ്റ് ഗാർഡ് ദിനത്തിൽ ആശംസകൾ അറിയിക്കുകയാണ് പ്രധാനമന്ത്രി നരേന്ദ്ര മോദി.
തീരസംരക്ഷണസേനയിലെ എല്ലാ ഉദ്യോഗസ്ഥർക്കും ജീവനക്കാർക്കും ആശംസകൾ. സമുദ്ര സുരക്ഷ, ദേശീയ സുരക്ഷ, പരിസ്ഥിതി സംരക്ഷണം എന്നിവയിൽ ഐസിജിയുടെ സമർപ്പണം സമാനതകളില്ലാത്തതാണ്. അവരുടെ അചഞ്ചലമായ ജാഗ്രതയ്ക്കും സേവനത്തിനും രാജ്യം ആദരം അർപ്പിക്കുന്നു- പ്രധാനമന്ത്രി എക്സിൽ കുറിച്ചു.
On the 48th raising day of @indiacoastguard, I convey my best wishes and greetings to all their personnel and staff. Their dedication to maritime safety, national security and care for the environment is unparalleled. India salutes them for their unwavering vigilance and service. pic.twitter.com/jX7jMvYe6M
— Narendra Modi (@narendramodi) February 1, 2024
അടിയന്തരാവസ്ഥയെത്തുടർന്ന് 1977 ഫെബ്രുവരി 1-നാണ് ഇന്ത്യൻ കോസ്റ്റ് ഗാർഡ് സ്ഥാപിതമായത്. അക്കാലത്ത് കടൽ വഴിയുള്ള കള്ളക്കടത്ത് രാജ്യത്തിന്റെ ആഭ്യന്തര സമ്പദ്വ്യവസ്ഥയ്ക്ക് ഭീഷണിയായിരുന്നു. ചരക്ക് കടത്തുന്നത് തടയാനായി ഇന്ത്യൻ കോസ്റ്റ് ഗാർഡ് രൂപീകരിച്ചു. അതുവരെ ഇന്ത്യൻ നാവികസേനയായിരുന്നു കള്ളക്കടത്ത് വിരുദ്ധ പ്രവർത്തനങ്ങളിൽ ഏർപ്പെട്ടിരുന്നത്.
പ്രശ്നം വിശകലനം ചെയ്യാൻ ഇന്ത്യൻ നാവികസേനയുടെയും ഇന്ത്യൻ വ്യോമസേനയുടെയും പങ്കാളിത്തത്തോടെ നാഗചൗധരി കമ്മിറ്റി രൂപീകരിച്ചു. തീരദേശത്ത് നടത്തുന്ന പ്രവർത്തനങ്ങൾ നിരീക്ഷിക്കണമെന്ന് കമ്മിറ്റിയംഗങ്ങൾ ആവശ്യമുന്നയിച്ചു. നിയമവിരുദ്ധ പ്രവർത്തനങ്ങൾ തിരിച്ചറിയുന്നതിനും ഏർപ്പെട്ടിരിക്കുന്ന കപ്പലുകളെ തടയാനുമായി മത്സ്യബന്ധന കപ്പലുകളുടെ രജിസ്ട്രി സ്ഥാപിച്ചു.
1978 ഓഗസ്റ്റ് 18-ന് ഇന്ത്യൻ കോസ്റ്റ് ഗാർഡ് ഔദ്യോഗികമായി സ്ഥാപിക്കപ്പെടുകയും 1978-ലെ കോസ്റ്റ് ഗാർഡ് ആക്ട് പ്രകാരം ഇന്ത്യൻ പാർലമെൻ്റ് അംഗീകരിക്കുകയും ചെയ്തു. രാജ്യത്തിന് സൈനികേതര നാവിക സേവനങ്ങൾ നൽകുന്നതിന് ഇന്ത്യൻ നാവികസേനയുടെ ആശയങ്ങളെ അടിസ്ഥാനമാക്കിയാണ് ഐസ്ജിയുടെ രൂപീകരണം.
