ലക്നൗവിലെ ആർമി മെഡിക്കൽ കോർപ്സ് സെൻ്ററിന്റെയും കോളേജിന്റെയും കമാൻഡൻ്റായി നിയമിതമാകുന്ന ആദ്യ വനിതയായി ലെഫ്റ്റനൻ്റ് ജനറൽ കവിതാ സഹയ്.
37 വർഷത്തെ സേവനത്തിനിടെ നിരവധി സുപ്രധാന ചുമതലകൾ വഹിക്കാൻ കവിത സഹയ്ക്കായി. ഡൽഹി കാൻ്റിലെ ബേസ് ഹോസ്പിറ്റലിലെ ലാബ് മെഡിസിൻ വിഭാഗം മേധാവി, എഎഫ്എംസിയിലെ പാത്തോളജി വിഭാഗത്തിൽ പ്രൊഫസർ, ആർമി ഹോസ്പിലെ (ആർ&ആർ) ലാബ് മെഡിസിൻ വിഭാഗം മേധാവി തുടങ്ങിയ പദവികൾ വഹിച്ചതിന്റെ പരിജ്ഞാത്തോടെയാണ് അവർ സൈനിക ആശുപത്രിയുടെ കമാൻഡന്റായി നിയമിതയായത്.
പുണെയിലെ ആംഡ് ഫോഴ്സ് മെഡിക്കൽ കോളേജിൽ നിന്നും പഠനം പൂർത്തിയാക്കിയ ലെഫ്റ്റനൻ്റ് ജനറൽ സഹായ് 1986-ലാണ് ആർമി മെഡിക്കൽ കോർപ്സിൽ കമ്മീഷൻ ചെയ്യുന്നത്. 1994-ൽ പതോളജിയിൽ ഡോക്ടർ ഓഫ് മെഡിസിൻ പൂർത്തിയാക്കിയ അവർ 1997-ൽ പൂനെയിലെ AFMC-ൽ നിന്ന് പതോളജിയിൽ നാഷണൽ ബോർഡിന്റെ ഡിപ്ലോമേറ്റും പൂർത്തിയാക്കിയിരുന്നു.