ഒരു ദിവസത്തെ സൗജന്യ സർട്ടിഫിക്കറ്റ് കോഴ്സുമായി ഐഎസ്ആർഒ. സൈബർ സുരക്ഷ, റിമോട്ട് സെൻസിംഗ്, ജിഐഎസ്, ജിഎൻഎസ്എസ് എന്നിവ ഉൾപ്പെടെ വിവിധ മേഖലകളെക്കുറിച്ചാകും ക്ലാസുകൾ ലഭ്യമാകുക.
ബഹിരാകാശം, ശാസ്ത്രം, സാങ്കേതിക വിദ്യ എന്നീ വിഷയങ്ങളിൽ താത്പര്യമുള്ള ഉദ്യോഗാർത്ഥികൾക്കാണ് അപേക്ഷിക്കാനാകുക. നിലവിൽ പ്രായപരിധി പ്രഖ്യാപിച്ചിട്ടില്ല. വിദ്യാർത്ഥികൾ, നിലവിൽ ജോലി ചെയ്യുന്നവർ, ബഹിരാകാശ മേഖല സ്വപ്നം കാണുന്നവർ എന്നിവർക്ക് കോഴ്സിൽ പങ്കാളികളാകാം. ഇ-ക്ലാസ് പോർട്ടൽ മുഖേന കോഴ്സിൽ പങ്കാളികളാകുന്ന എല്ലാ വിദ്യാർത്ഥികൾക്കും ഇ-സർട്ടിഫിക്കറ്റ് ലഭിക്കുമെന്ന് ഇസ്രോ വ്യക്തമാക്കി.
പ്രധാനമായും ഫോറസ്റ്റ് മാനേജ്മെന്റ്, കൺസർവേഷൻ, എൻവയോൺമെന്റൽ സ്റ്റഡീസ്, ജിയോസ്പെഷ്യൽ ടെക്നോളജി എന്നീ മേഖലകളിൽ പ്രവർത്തിക്കുന്നവരെയും ഗവേഷകരെയും ബിരുദധാരികളായ വിദ്യാർത്ഥികളെയും ലക്ഷ്യം വച്ചാണ് കോഴ്സ് രൂപകൽപ്പന ചെയ്തിരിക്കുന്നത്. താത്പര്യമുള്ളവർക്ക് സൗജന്യമായി കോഴ്സ് പൂർത്തിയാക്കാവുന്നതാണ്. കോഴ്സിൽ ചേരുന്നതിനായി ഇസ്രോയുടെ ഔദ്യോഗിക വെബ്സൈറ്റ് സന്ദർശിക്കുക.
