മലയാളികളുടെ പ്രിയതാരം ദുൽഖർ സൽമാൻ നായകനാകുന്ന ഏറ്റവും പുതിയ ചിത്രമാണ് ‘ലക്കി ഭാസ്ഖർ’. മഹാനടി, സീതാരാമം തുടങ്ങിയ ചിത്രങ്ങൾക്ക് ശേഷം ദുൽഖർ സൽമാൻ വീണ്ടും തെലുങ്ക് ചിത്രത്തിൽ നായകനാകുന്ന ചിത്രം കൂടിയാണ് ലക്കി ഭാസ്ഖർ. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. സമൂഹമാദ്ധ്യമങ്ങളിലൂടെ ദുൽഖർ തന്നെയാണ് പോസ്റ്റർ പങ്കുവച്ചത്.
താൻ സിനിമയിൽ 12 വർഷം പൂർത്തിയാക്കിയെന്ന സന്തോഷ വാർത്തയും ദുൽഖർ പങ്കുവച്ചു. വെങ്കി അറ്റ്‌ലൂരിയാണ് ചിത്രം സംവിധാനം ചെയ്യുന്നത്. ബാങ്ക് ഉദ്യോഗസ്ഥന്റെ വേഷത്തിലാണ് ദുൽഖർ ചിത്രത്തിൽ എത്തുന്നത്. മീനാക്ഷി ചൗധരിയാണ് ലക്കി ഭാസ്ഖറിലെ നായിക. തെലുങ്ക്, മലയാളം, തമിഴ്, ഹിന്ദി ഭാഷകളിലാണ് ചിത്രം റിലീസ് ചെയ്യുന്നത്. ചിത്രം ഉടൻ തീയേറ്ററുകളിലെത്തും.
View this post on Instagram
മഗധ എന്ന ബാങ്കിലെ ക്യാഷറായിട്ടാണ് ചിത്രത്തിൽ ദുൽഖർ എത്തുന്നത്. വളരെ വ്യത്യസ്തമായ ലുക്കിലാണ് സിനിമയിൽ ദുൽഖർ എത്തുന്നത്. 1980- കളിലെ ബോംബെ പശ്ചാത്തലമാക്കിയാണ് ചിത്രം ഒരുക്കുന്നത്. സിത്താര എന്റർടെയ്ൻമെന്റ്സും ഫോർച്യൂൺ ഫോർ സിനിമാസിന്റേയും ബാനറിൽ സൂര്യദേവര നാഗ വംശിയും സായ് സൗജന്യയും ചേർന്നാണ് ചിത്രം നിർമ്മിക്കുന്നത്. ശ്രീകര സ്റ്റുഡിയോസാണ് അവതരിപ്പിക്കുന്നത് ചിത്രത്തിന്റെ സംഗീത സംവിധാനം ജിവി പ്രകാശാണ്.
