ന്യൂഡൽഹി: ഡൽഹി മെട്രോയിൽ യാത്ര ചെയ്ത് രാഷ്ട്രപതി ദ്രൗപതി മുർമു. രാഷ്ട്രപതി മെട്രോയിൽ സഞ്ചരിക്കുന്നതിന്റെ വീഡിയോ പുറത്തുവന്നിട്ടുണ്ട്. ബുധനാഴ്ചയാണ് ഡൽഹിയിലെത്തിയ രാഷ്ട്രപതി മെട്രോയിൽ സഞ്ചരിച്ചത്. യാത്രയിൽ രാഷ്ട്രപതി കുട്ടികളുമായി സംവദിക്കുന്നതും ഇതിൽ കാണാം.
കാഷ്മീർ ഗേറ്റ് – രാജാ നഹർ സിംഗ് വയലറ്റ് ലൈൻ ഇടനാഴിയിലെ സെൻട്രൽ സെക്രട്ടേറിയറ്റ് മെട്രോ സ്റ്റേഷനിൽ നിന്നാണ് രാഷ്ട്രപതി യാത്ര ആരംഭിച്ചത്. ഡൽഹി മെട്രോയുടെ റെയിൽ കോർപ്പറേഷൻ മാനേജിംഗ് ഡയറക്ടർ വികാസ് കുമാറും രാഷ്ട്രപതിയുടെ യാത്രയ്ക്കൊപ്പമുണ്ടായിരുന്നു. ഡിഎംആർസിയുടെ പ്രവർത്തനത്തിന്റെ വിവിധ തലങ്ങളെക്കുറിച്ച് അദ്ദേഹം രാഷ്ട്രപതിയുമായി സംസാരിച്ചു. നാഷണൽ കോമൺ മൊബിലിറ്റ് കാർഡ് ഉപയോഗിച്ചാണ് രാഷ്ട്രപതി യാത്ര ചെയ്തത്.
