മനാമ: ബഹ്‌റൈൻ കേരളീയ സമാജം ഫിലിം ക്ലബ്ബിന്റെ ആഭിമുഖ്യത്തിൽ നടക്കുന്ന ഫിലിം ക്ലബ്ബ് അവാർഡ് നിശയും ഹ്രസ്വ ചലച്ചിത്ര മേളയും മാർച്ച്‌ ഒന്നിന് നടക്കും. ബഹ്‌റൈൻ പ്രവാസി കലാകാരന്മാർ നിർമ്മിച്ച ഇരുപത്തിരണ്ടോളം ചിത്രങ്ങളാണ് മത്സര വിഭാഗത്തിലേക്ക് തിരഞ്ഞെടുത്തിരിക്കുന്നത്. വൈകുന്നേരം അഞ്ച് മണി മുതൽ ബഹ്‌റൈൻ കേരളീയ സമാജം ഡയമണ്ട് ജൂബിലി ഹാളിലാണ് പരിപാടി സംഘടിപ്പിക്കുന്നത്.
അവാർഡ് നിശയിൽ പ്രശസ്ത ചലച്ചിത്ര സംവിധായകൻ സിബി മലയിലാണ് മുഖ്യാഥിതിയായി പങ്കെടുക്കുന്നത്. മികച്ച ചിത്രം, രചന, സംവിധാനം, ഛായഗ്രഹണം, ചിത്രംസംയോജനം, നടൻ, നടി തുടങ്ങിയവയാണ് പ്രധാന മത്സരയിനങ്ങൾ. പ്രശസ്ത ചലച്ചിത്ര സംവിധായകനായ ജിഎസ് വിജയൻ, ഛായാഗ്രാഹകനും സംവിധായകനുമായ വിപിൻ മോഹൻ, കേരള സംസ്ഥാന ചലച്ചിത്ര അവാർഡ് കമ്മറ്റി അംഗവുമായ റോയ് പി തോമസ്‌ എന്നിവരടങ്ങുന്ന ജൂറിയാണ് വിധി നിർണിയിക്കുന്നത്.
മത്സര വിജയികൾക്ക് പുരസ്കാരം നൽകുന്നതിന് പുറമേ, തത്സമയ തിരഞ്ഞെടുപ്പിലൂടെ ഓഡിയൻസ് ചോയ്സ് അവാർഡ് പ്രേക്ഷകർക്കും തിരഞ്ഞെടുക്കുവാനുള്ള അവസരമുണ്ടാകും. കൂടുതൽ വിവരങ്ങൾക്ക് 34020650, 3972 0030,39918997
