ലോകത്തിലെ ഏറ്റവും മികച്ച സംസ്കാരം ഭാരതത്തിന്റേതാണെന്ന് വോയ്സ് ഫോർ ഇന്ത്യ പ്രോജക്റ്റിന്റെ സ്ഥാപക റെനി ലിൻ. ഇന്ത്യൻ പാരമ്പര്യത്തെ മറികടക്കാൻ ഒന്നിനും സാധക്കില്ലെന്നും അവർ പറഞ്ഞു. എക്സിൽ പങ്കുവച്ച പോസ്റ്റിലാണ് റെനിയുടെ വാക്കുകൾ.
ഈ ലോകത്ത് നിങ്ങളെ ആഴത്തിൽ സ്പർശിക്കാൻ ഇന്ത്യയ്ക്ക് സധിക്കുന്നത് പോലെ മറ്റൊരു രാജ്യത്തിനും കഴിയില്ല. ലോകസഞ്ചാരി എന്ന നിലയിൽ പക്ഷം ചേരാതെയുള്ള വാക്കുകളാണ് ഇത്. സംസ്കാരത്തെ ഒരിക്കലും വിട്ടുകളയരുത്. അത് ഇന്ത്യയ്ക്കും ലോകത്തിനുമുള്ള ഈ മണ്ണിന്റെ സമ്മാനമാണെന്നും റെനി ലിൻ പറഞ്ഞു.
ആക്ടിവിസ്റ്റ്, എഴുത്തുകാരി, എന്നീ മേഖലകളിൽ പ്രവർത്തിക്കുന്ന ഇന്ത്യൻ അമേരിക്കൻ എഴുത്തുകാരിയാണ് റെനി ലിൻ. ന്യൂജേഴ്സിയിലാണ് റെനി ജനിച്ചതും വളർന്നതും. “വോയ്സ് ഫോർ ഇന്ത്യ” എന്ന തന്റെ പ്രോജക്റ്റിനായി ഇന്ത്യയിലെ നിരവധി പത്രങ്ങളിലും ടെലിവിഷൻ ചാനലുകളിലും അവർ പ്രത്യക്ഷപ്പെട്ടിട്ടുണ്ട്. ഇന്ത്യയ്ക്കെതിരായുള്ള മാദ്ധ്യമങ്ങളുടെ കുപ്രചരണങ്ങളെയും റെനി തുറന്നുകാട്ടിയിട്ടുണ്ട്. ഇന്ത്യ സ്ട്രിപ്പ്ഡ് എന്ന തന്റെ പുസ്തകത്തിൽ, മുഖ്യധാരാ മാദ്ധ്യമങ്ങളെ കുറിച്ച് അന്വേഷിക്കുകയും യഥാർത്ഥ ഇന്ത്യയെക്കുറിച്ച് ലോകത്തോട് അവൾ വിളിച്ചു പറയുകയും ചെയ്തു.