മൃഗങ്ങളുടെ സ്നേഹം പലപ്പോഴും മനുഷ്യർക്ക് പോലും മാതൃകയാക്കാവുന്നതാണ്. അത്തരത്തിൽ നിരവധി വീഡിയോകൾ സമൂഹമാദ്ധ്യമങ്ങളിൽ നിറയാറുണ്ട്. ചിലതെല്ലാം അതിൽ കണ്ണീരണിയിപ്പിക്കുന്നതുമായിരുക്കും. അത്തരത്തിൽ ഹൃദയ ഭേദകമായ ഒരു വീഡിയോയാണ് സോഷ്യൽ മീഡിയയെ കണ്ണീരിലാഴ്ത്തുന്നത്.
വീഡിയോയിൽ ഒരു മരത്തിന് ചുവടെ ഇരിക്കുന്ന ഒരു കോലയേയും അതിന്റെ മടിയിൽ കിടക്കുന്ന മറ്റൊരു കോലയയേയും കാണാം. പ്രദേശത്തെ സമീപ വാസികൾ റെസ്ക്യൂ ടീമിനെ വിളിച്ച് പറഞ്ഞതനുസരിച്ച് സംഘം സ്ഥലത്തെത്തിയപ്പോൾ മടിയിൽ കിടക്കുന്ന കോലയെ അവസാനമായി കെട്ടിപിടിച്ച് ചുംബനം നൽകുന്ന ആൺ കോലയെയാണ് അവർ കണ്ടത്. അവൾ അവനെ വിട്ട് ഈ ലോകത്തിൽ നിന്നും വിട പറഞ്ഞിരിക്കുന്നു. അത് മനസിലായിട്ടും ആൺ കോലയ്ക്ക് അവളെ വിട്ടുപിരിയാൻ മനസു വരുന്നില്ല. അവസാനമായി ദൈവത്തിനോട് എന്തോ പ്രാർത്ഥിക്കുന്ന വിധം കുറച്ചുനേരം മുകളിലേക്ക് നോക്കി, പിന്നെ പ്രിയതമയെ കെട്ടിപിടിച്ച് ഒരു ചുംബനം. കണ്ടു നിന്ന റെസ്ക്യൂ ടീമിന്റെ കണ്ണുകളും നിറഞ്ഞതായി അവർ പറയുന്നു.
View this post on Instagram
റെസ്ക്യൂ ടീം തുടർന്ന് ആൺ കോലയെ സ്ഥലത്ത് നിന്നും സുരക്ഷിതമായ മറ്റൊരിടത്തേക്ക് മാറ്റി. ഒരുപാട് മൃഗങ്ങളെ കണ്ടിട്ടുണ്ടെങ്കിലും ഇത്തരത്തിൽ കോലകളുടെ ഹൃദയ ഭേദകമായ കാഴ്ചയ്ക്ക് സാക്ഷ്യം വഹിക്കാൻ കഴിഞ്ഞിട്ടില്ലെന്ന് സംഘം പറഞ്ഞു. കോലകളിൽ പിടിപ്പെടുന്ന പ്രത്യേക രോഗം വർദ്ധിച്ചു വരുന്ന സാഹചര്യമാണുള്ളത്. പ്രദേശവാസികളുടെ അടിയന്തരമായ ഇടപെടൽ ആൺ കോലയെ സുരക്ഷിതമായി മറ്റൊരിടത്തിലേക്ക് എത്തിക്കാൻ സഹായകരമായെന്നും അവർ വ്യക്തമാക്കി.
