ബഹിരാാകാശ ലോകം എന്നും മനുഷ്യന് അത്ഭുതങ്ങളുടെ ലോകമാണ്. സാങ്കൽപികമായി മാത്രം അതിനെ അനുഭവച്ചറിയാനേ നമുക്ക് കഴിഞ്ഞിരുന്നോള്ളൂ. എന്നാൽ കാലചക്രം ഇന്ന് പലതും യാഥാർത്ഥ്യമാക്കുന്നു. ബഹിരാകാശ മേഖലയിലെ ശ്രദ്ധകേന്ദ്രമാണ് ഭാരതവും ഇസ്രോയും. ചന്ദ്രനിലും സൂര്യനിലും വരെ എത്തി നിൽക്കുകയാണ് ഭാരതം.
ശാസ്ത്രലോകത്തെ അതുല്യമായ നേട്ടങ്ങളിൽ അത്ഭുതം കൂറി നിൽക്കുമ്പോഴും വിദ്യാർത്ഥികളും ശാസ്ത്ര പ്രേമികളും ഉൾപ്പടെ നിരവധി പേർക്ക് സംശയങ്ങളും പുത്തൻ ആശയങ്ങളും ഉണ്ടാകും. ഇവയ്ക്കെല്ലാം ഉത്തരം നൽകാൻ ഇസ്രോ ചെയർമാൻ എസ്. സോമനാഥ് തയ്യാറാണ്. നിങ്ങളുടെ സംശയങ്ങൾ അദ്ദേഹത്തോട് നേരിട്ട് ചോദിക്കാം. മറുപടിയുമായി എസ്. സേമനാഥ് ലൈവിലെത്തും.
ഇസ്രോയുടെ ഇൻസ്റ്റഗ്രാം പേജായ https://www.instagram.com/isro.dos/ എന്നതിലാണ് ചോദ്യങ്ങൾ ഉന്നയിക്കേണ്ടത്. മാർച്ച് രണ്ടിന് വൈകുന്നേരം അഞ്ച് മണിക്ക് അദ്ദേഹം ലൈവിലെത്തും. ഇസ്രോയുടെ പേജിൽ സന്ദേശമയക്കുകയോ #asksomanathisro എന്ന ഹാഷ്ടാഗിൽ എക്സിൽ പോസ്റ്റ് ചെയ്യുകയോ ആകാം. ലൈവ് സെഷനിലും ചോദിക്കുന്ന പ്രധാനപ്പെട്ട ചോദ്യങ്ങൾക്കും ഉത്തരം ലഭിച്ചേക്കാം.
ബഹിരാകാശ മേഖലയിൽ നില ഉറപ്പിക്കാൻ ആഗ്രഹിക്കുന്ന വിദ്യാർത്ഥികൾക്കും ശാസ്ത്രജ്ഞരാകാൻ തയ്യാറെടുക്കുന്നവർക്കും ശാസ്ത്ര പ്രേമികൾക്കും ഏറ്റവും മികച്ച അവസരമാകും ഇത്. സാങ്കേതികവിദ്യ, വിദ്യാഭ്യാസ മേഖല. കോഴ്സുകൾ, കരിയർ തുടങ്ങി വിവിധ മേഖലകളിൽ നിന്ന് ചോദ്യങ്ങൾ ചോദിക്കാൻ അവസരമുണ്ട്.
