ആരാധകനെ അപമാനിച്ച് നടൻ ശിവകുമാർ. കഴിഞ്ഞ ദിവസം ഇപ്പിത്താൻ ഉരുവാനേൻ എന്ന പുസ്തകപ്രകാശന ചടങ്ങിൽ പങ്കെടുത്ത് മടങ്ങുന്നതിനിടെയായിരുന്നു സംഭവം. മടങ്ങുന്നതിനിടെ മദ്ധ്യവയസ്കനായ ഒരു ആരാധകൻ ശിവകുമാറിനെ ആദരവോടെ അണിയിക്കാൻ ശ്രമിച്ച പൊന്നാട വലിച്ചെറിയുകയായിരുന്നു താരം.
സംഭവത്തിന്റെ വീഡിയോ സമൂഹമാദ്ധ്യമങ്ങളിലടക്കം പ്രചരിക്കുകയാണ്. ആരാധകൻ പൊന്നാട അണിയിക്കാനെത്തിയപ്പോൾ താരം തള്ളിമാറ്റാൻ ശ്രമിക്കുകയും അദ്ദേഹത്തിന്റെ പക്കലുണ്ടായിരുന്ന പൊന്നാട വാങ്ങി വലിച്ചെറിയുകയുമായിരുന്നു. പൊന്നാടയുമെടുത്ത് ആരാധകൻ പിന്നാലെ ചെന്നെങ്കിലും ശിവകുമാർ അദ്ദേഹത്തെ രൂക്ഷമായി വിമർശിച്ചു.
Meendum Meenduma !!!
Innum indha aalu thirundhala pola 🤣🤣#Suriya #Sivakumar #Kanguva #RohitSharma #Liverpool
— Vignesh (@Vignesh58Viki) February 26, 2024
ഇതോടെ താരത്തിനെതിരെ വൻ പ്രതിഷേധങ്ങളും ഉയരുന്നുണ്ട്. സോഷ്യൽ മീഡിയയിൽ സൂര്യയേയും കാർത്തിയേയും ടാഗ് ചെയ്ത് സിനിമാസ്വാദകർ പ്രതിഷേധങ്ങൾ പങ്കുവയ്ക്കുന്നുണ്ട്. ‘ശിവകുമാർ പൊതുപരിപാടിയിൽ ചെയ്തത് വളരെ മോശമായ പ്രവൃത്തിയാണ്. ഇത് നിങ്ങളുടെ കുടുബത്തിന് ആരാധകർ നൽകുന്ന മര്യാദ നഷ്ടപ്പെടുത്തും.’ പിതാവിനെ ഇനിയെങ്കിലും നിലയ്ക്ക് നിർത്തണമെന്നും ആരാധകർ കാർത്തിയേയും സൂര്യയേയും ടാഗ് ചെയ്ത് സോഷ്യൽ മീഡിയയിൽ കുറിച്ചു.
ശിവകുമാർ ആദ്യമായല്ല പൊതുവേദിയിൽ ആരാധകരോട് മോശമായി പെരുമാറുന്നത്. 2018 ൽ ശിവകുമാറിനൊപ്പം ഫോട്ടോ എടുക്കാനെത്തിയ ആരാധകന്റെ ഫോൺ തട്ടിയെടുത്ത് ശിവകുമാർ നശിപ്പിച്ചിരുന്നു. സംഭവത്തിൽ വിമർശനങ്ങൾ ഉയർന്നതോടെ ശിവകുമാർ ആരാധകന് പുതിയ ഫോൺവാങ്ങി നൽകി പ്രശ്നം തീർപ്പാക്കുകയായിരുന്നു.