‘ജയ് ശ്രീറാം’ വിളിച്ച് പരിപാടികൾക്ക് തുടക്കം കുറിച്ച് ഷാരൂഖ് ഖാൻ; അനന്ത് അംബാനിയുടെ വിവാഹാഘോഷ വേദിയിൽ ‘നാട്ടു നാട്ടുവിന് ചുവടുവച്ച് രാംചരണും ഖാന്മാരും

അനന്ത് അംബാനി-രാധിക മെർച്ചന്റ് വിവാഹാഘോഷ വേദിയിൽ ‘നാട്ടു നാട്ടു’വിന് ചുവടുവച്ച് രാംചരണും ബോളിവുഡിലെ ഖാൻമാരും. അമീർഖാനും ഷാരൂഖ് ഖാനും സൽമാൻ ഖാനുമായിരുന്നു നൃത്തം ചെയ്തത്. രാംചരണിനെ വേദിയിലേക്ക് ഷാരൂഖ് ഖാൻ ക്ഷണിക്കുകയായിരുന്നു. ഇതിന് ശേഷമാണ് നാലുപേരും ചേർന്ന് നാട്ടു നാട്ടു എന്ന ​ഗാനത്തിന് ചുവട് വച്ചത്.

നാൽവർ സം​ഘത്തിന്റെ ​നൃത്തച്ചുവടുകളാണ് സമൂ​ഹമാദ്ധ്യമങ്ങളിൽ ശ്രദ്ധേയമാകുന്നത്. താരനിബിഡമായിരുന്ന കഴിഞ്ഞ ദിവസത്തെ പരിപാടിയുടെ അവതാരകൻ ഷാരൂഖ് ആയിരുന്നു. ‘ജയ് ശ്രീറാം’ പറഞ്ഞാണ് പരിപാടിക്ക് ഷാരൂഖ് ഖാൻ തുടക്കം കുറിച്ചത്. മുൻനിര ബോളിവുഡ് താരങ്ങളൊക്കെയും പരിപാടിയിൽ എത്തിയിരുന്നു.

വിവാഹത്തിന് മുന്നോടിയായി മൂന്ന് ദിവസത്തെ പ്രീവെഡ്ഡിം​ഗ് പരിപാടികളാണ് ​ഗുജറാത്തിലെ ജാംന​ഗറിൽ നടക്കുന്നത്. ജൂലൈ 12 ന് മുംബൈയിൽ വച്ചാണ് അനന്ത് അംബാനിയുടെയും രാധിക മെർച്ചന്റിന്റെയും വിവാഹം.