‘ഒരുവൻ ഒരുവൻ മുതലാളി…’; തലൈവർക്ക് തമിഴിൽ മാത്രമല്ല ജപ്പാനിലുമുണ്ട് പിടി; വീഡിയോ കാണാം…

തലൈവർ രജനികാന്ത് നായകനായ മുത്തു എന്ന ചിത്രത്തിലെ സൂപ്പർഹിറ്റ് ഗാനം ആലപിച്ച് 77 കാരനായ മിത്സുബിഷി. പോണ്ടിച്ചേരി സർവ്വകലാശാല സീനിയർ ഏക്‌സിക്യൂട്ടീവായ അദ്ദേഹം ക്യാമ്പസിൽ നടന്ന ഒരു പരിപാടിക്കിടെയാണ് ഗാനം ആലപിച്ചത്. ഇതിന്റെ വീഡിയോ സമൂഹമാദ്ധ്യമങ്ങളിൽ വൈറലാവുകയാണ്. മുത്തുവിലെ ഒരുവൻ ഒരുവൻ മുതലാളി എന്ന ഗാനം ആലപിച്ചാണ് അദ്ദേഹം വേദിയിലുള്ളവരുടേയും സോഷ്യൽ മീഡിയയുടേയും മനസിൽ ഇടംപിടിച്ചത്.

At the age of 77, Mr. Kuboki San of Mitusubishi Corporation Ltd, Japan, at the GLOBIZZ’24 event conducted by Pondicherry University! He enthralled the MBA students with the Tamil Song from Rajnikanth starred movie “Muthu”, which has been rocking in Japan since 1995! #Rajinikanth pic.twitter.com/ILG9WIkKie

— Ananth Rupanagudi (@Ananth_IRAS) March 2, 2024

വീഡിയോ വൈറലായതോടെ നിരവധി പേരാണ് അദ്ദേഹത്തിന് ആശംസകളുമായി എത്തിയിരിക്കുന്നത്. ഇന്ത്യൻ റെയിൽവേയിലെ ഒരു മുതിർന്ന ഉദ്യോഗസ്ഥൻ എക്‌സിലൂടെ അദ്ദേഹത്തിന് ആശംസകൾ അറിയിച്ചു. ഇന്നലെയാണ് വീഡിയോ എക്‌സിൽ പങ്കുവച്ചത്. മൂന്നര ലക്ഷത്തോളം ആളുകളാണ് ഇതിനോടകം ഈ വീഡിയോ കണ്ടത്. എത്ര മനോഹരമായാണ് അദ്ദേഹം പാടുന്നത്, മൈലുകൾക്ക് അപ്പുറം തലൈവർക്ക് ഇത്രയും വലിയൊരു ആരാധകൻ ഉണ്ടെന്ന് അറിഞ്ഞതിൽ സന്തോഷം എന്നിങ്ങനെയാണ് വീഡിയോയ്‌ക്ക് ചുവടെ വരുന്ന കമന്റുകൾ.