ഒരു ദിവസത്തെ ഇൻ്റേൺഷിപ്പിന് 3 ലക്ഷം രൂപ. പ്രമുഖ കമ്പനിയായ ബ്രിട്ടാനിയയാണ് ഇത്തരമൊരു ഓഫർ അവതരിപ്പിച്ചിരിക്കുന്നത്. ഓഫീസിലെ സ്റ്റാഫിന് പ്രത്യേക വാക്കിന്റെ ഉച്ചരണം പഠിക്കുകയാണ് ഇൻ്റേൺഷിപ്പിനായി തിരഞ്ഞെടുക്കപ്പെടുന്ന വ്യക്തിയുടെ ഡ്യൂട്ടി.
ഫ്രഞ്ച് പേസ്ട്രിയായ Britannia Treat Croissant എന്ന വാക്കാണ് ജീവനക്കാരെ പഠിപ്പിക്കേണ്ടത്. വിജയി ബ്രിട്ടാനിയയുടെ ഓഫീസിൽ ഒരു ദിവസം താമസിച്ച് പേര് ശരിയായി ഉച്ചരിക്കാൻ ജീവനക്കാരെ പഠിപ്പിക്കണം. പതിനെട്ട് വയസ് കഴിഞ്ഞ ആർക്കും ഇതിനായി അപേക്ഷിക്കാം. ഫ്രഞ്ച് പേസ്ട്രി Croissant രുചിയുടെ കാര്യത്തിൽ ഇന്ത്യയുടെ ഹൃദയം കവർന്നിട്ടുണ്ട്. എന്നാൽ ശരിയായ ഉച്ചാരണം അറിയാത്തത് കൊണ്ട് പലരും ഇത് വാങ്ങാൻ മടിക്കുന്നുണ്ട്. പ്രൊഡക്ടിനെ കുറിച്ച് ജനങ്ങളെ ബോധവൽക്കരിക്കുക എന്ന ലക്ഷ്യത്തോടു കൂടിയാണ് ഒരു നൂതന ഇൻ്റേൺഷിപ്പ് പ്രോഗ്രാം.
ബിസിനസ് ടുഡേ അനുസരിച്ച്, 18 വയസോ അതിൽ കൂടുതലോ പ്രായമുണ്ടെങ്കിൽ ഇൻ്റേൺഷിപ്പിന് അപേക്ഷിക്കാം. പേസ്ട്രി ഇഷ്ടമില്ലാത്തവർക്കും അപേക്ഷിക്കാം. ആദ്യം Britannia Treat Croissant വാട്സാപ്പ് ചാനലിൽ രജിസ്റ്റർ ചെയ്യണം. ഇൻസ്റ്റാഗ്രാം ബയോയിൽ നൽകിയിരിക്കുന്ന ലിങ്കിൽ ക്ലിക്ക് ചെയ്ത് നിങ്ങൾ എന്ത് കൊണ്ട് അനുയോജ്യനാണെന്ന് വിശദീകരിക്കണം. നിങ്ങളും ഒറ്റരാത്രികൊണ്ട് ലക്ഷക്കണക്കിന് രൂപ സമ്പാദിക്കുന്നത് സ്വപ്നം കാണുന്നുണ്ടെങ്കിൽ ഈ ഇൻ്റേൺഷിപ്പിന് അപേക്ഷിക്കാം. 2024 മാർച്ച് 10 വരെ രജിസ്റ്റർ ചെയ്യാം.