തൃശൂർ: മലക്കപ്പാറയിലുണ്ടായ കാട്ടാന ആക്രമണത്തിൽ ഒരാൾക്ക് പരിക്ക്. അടിച്ചിൽത്തൊട്ടി കോളനിയിലെ തമ്പാനാണ് പരിക്കേറ്റത്. മലക്കപ്പാറയിൽ നിന്നും അടിച്ചിൽത്തൊട്ടി കോളനിയിലേക്ക് റോഡിലൂടെ നടന്നു പോകവെയാണ് കാട്ടാന ആക്രമിച്ചത്.
ഇന്നലെ രാത്രിയോടെയായിരുന്നു സംഭവം.ഇന്ന് രാവിലെയാണ് തമ്പാനെ അവശനിലയിൽ കണ്ടെത്തിയത്. കാലിന് ഗുരുതരമായി പരിക്കേറ്റ യുവാവിനെ ചാലക്കുടി താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്.
അതിർത്തി ഗ്രാമമായ മലക്കപ്പാറയിൽ കഴിഞ്ഞ ദിവസവും രണ്ട് തവണ കാട്ടാന ആക്രമണം ഉണ്ടായി. ഫെബ്രുവരി എട്ടിന് ഉണ്ടായ കാട്ടാന ആക്രമണത്തിൽ കോയമ്പത്തൂർ സ്വദേശി ഫിർദോസ് ഖാന് സാരമായി പരിക്കേറ്റു.
