അപകടത്തെ തുടർന്ന് വിശ്രമത്തിലായ ഋഷഭ് പന്തിന്റെ മടങ്ങിവരവിനെ കുറിച്ച് വെളിപ്പെടുത്തലുമായി ബിസിസിഐ സെക്രട്ടറി ജയ് ഷാ. പിടിഐയാണ് സെക്രട്ടറിയുടെ പ്രതികരണം. അദ്ദേഹം നന്നായി ബാറ്റ് ചെയ്യുന്നുണ്ട്, കിപ്പിംഗും ചെയ്യുന്നുണ്ട്. അദ്ദേഹം ഫിറ്റാണെന്ന് നമ്മൾ ഉടനെ പ്രഖ്യാപിക്കും. അദ്ദേഹത്തിന് ടി20 ലോകകപ്പ് കളിക്കാനായാൽ അത് ടീമിനെ സംബന്ധിച്ച് വലിയൊരു കാര്യമാകും. അദ്ദേഹം നമുക്ക് വലിയൊരു മുതൽകൂട്ടാണ്.
അദ്ദേഹത്തിന് നന്നായി കീപ്പ് ചെയ്യാനാൽ അദ്ദേഹം ലോകകപ്പ് കളിക്കും. ഐപിഎല്ലിൽ അദ്ദേഹത്തിന്റെ പ്രകടനം വരാനുണ്ടല്ലോ,നമുക്ക് നോക്കാം- ഷാ പറഞ്ഞു. വാഹാനപകടത്തെ തുടർന്ന് പന്തിന്റെ വലതു മുട്ട് മാറ്റിവയ്ക്കേണ്ടി വന്നിരുന്നു. പിന്നീട് ലിഗമെന്റ് പൂർവ്വ സ്ഥിതിയിലാക്കുന്നതായി ശസ്ത്രക്രിയയും നടത്തിയിരുന്നു.
കൈക്കുഴയിലും ശസത്രക്രിയ നടത്തേണ്ടി വന്നു. പരിക്കിൽ നിന്ന് മുക്തനാവുന്ന ഇടംകൈയൻ ബാറ്റർ നെറ്റ്സിൽ പരിശീലനം ആരംഭിച്ചിരുന്നു. താരം ഐപിഎൽ കളിക്കുന്ന കാര്യവും അനിശ്ചിതത്വത്തിലാണ് ഇപ്പോഴും