ജൂണിൽ നടക്കുന്ന ടി20 ലോകകപ്പിൽ വിരാട് കോലി ടീമിന്റെ ഭാഗമാകില്ലെന്ന വാർത്ത ഏറെ ഞെട്ടലോടെയാണ് ആരാധകർ കേട്ടത്. എന്നാൽ കോലി ടീമിൽ നിർബന്ധമായും വേണമെന്ന കാര്യം നായകൻ രോഹിത് ശർമ്മ ബിസിസിഐയെ അറിയിച്ചെന്നാണ് സൂചന. ടി20 ലോകകപ്പിനുള്ള ടീമിൽ കോലിയുണ്ടാകുമെന്ന സ്ഥിരീകരണം ഉടൻ വരുമെന്നുമാണ് മുൻ ഇന്ത്യൻ താരം കീർത്തി ആസാദിന്റെ വെളിപ്പെടുത്തൽ.
ബിസിസിഐ സെക്രട്ടറി ജയ് ഷാ കോലിയുടെ കാര്യത്തിൽ രോഹിത്തിനോട് അഭിപ്രായം തേടി. എന്ത് വിലകൊടുത്തും വിരാട് കോലിയെ ഇന്ത്യൻ ടീമിൽ വേണമെന്നാണ് രോഹിത് മറുപടി പറഞ്ഞത്.വിരാട് കോലി ടി20 ലോകകപ്പ് കളിക്കും. ടീം പ്രഖ്യാപനത്തിന് മുമ്പ് അതിന്റെ വിരാട് ടീമിലുണ്ടാകുമെന്ന പ്രഖ്യാപനമുണ്ടാകും. -ആസാദ് എക്സിൽ കുറിച്ചു.
Why should Jay Shah, he is not a selector, to give responsibility to Ajit Agarkar to talk to the other selectors and convince them that Virat Kohli is not getting a place in the T20 team. For this, time was given till 15th March. If sources are to be believed, Ajit Agarkar was… pic.twitter.com/FyaJSClOLw
— Kirti Azad (@KirtiAzaad) March 17, 2024
“>
മൂന്നാം നമ്പറിൽ ബാറ്റിംഗിനിറങ്ങുന്ന കോലിയുടെ സ്ട്രൈക്ക് റേറ്റാണ് താരത്തെ ടി20 ടീമിലേക്ക് പരിഗണിക്കാതിരിക്കുന്നത് പ്രധാന കാരണം. അഫ്ഗാനിസ്ഥാനെതിരായ ടി20 പരമ്പരയിലെ അവസാന രണ്ട് മത്സരങ്ങളിൽ കോലി കളിച്ചിരുന്നെങ്കിലും 29,0 എന്നിങ്ങനെയായിരുന്നു സ്കോറുകൾ. വേഗത്തിൽ സ്കോർ ഉയർത്താൻ താരത്തിന് കഴിഞ്ഞില്ല. പിന്നാലെയാണ് ടെലഗ്രാഫ് ബിസിസിഐ വൃത്തങ്ങളെ ഉദ്ധരിച്ച് വിരാട് കോലിയെ ടി20 ലോകകപ്പിൽ നിന്ന് ഒഴിവാക്കിയേകുമെന്ന് റിപ്പോർട്ട് ചെയ്തത്.
