തൃശൂർ: നാഷണൽ ആയുഷ് മിഷനിൽ കരാറടിസ്ഥാനത്തിൽ വിവിധ തസ്തികകളിലേക്ക് അപേക്ഷ ക്ഷണിച്ചു. ഭാരതീയ ചികിത്സ, ഹോമിയോപ്പതി എന്നീ വകുപ്പുകളിലേക്കാണ് അപേക്ഷ ക്ഷണിച്ചിരിക്കുന്നത്. 2024 മാർച്ച് 11-ന് 40 വയസ് കവിയാത്ത തെറാപ്പിസ്റ്റുകൾക്കാണ് അവസരം. പ്രതിമാസ വേതനം 14,700 രൂപ ലഭിക്കും.
യോഗാ ഇൻസ്ട്രക്ടർക്ക് നിഷ്കർഷിച്ചിരിക്കുന്ന ഉയർന്ന പ്രായപരിധി 50 വയസാണ്. പ്രതിമാസ ശമ്പളം 14,000 രൂപയാണ്. താത്പര്യമുള്ള ഉദ്യോഗാർത്ഥികൾക്ക് ബയോഡാറ്റ, ഫോട്ടോ, അസ്സൽ സർട്ടിഫിക്കറ്റുകൾ-ഫോട്ടോ പതിപ്പിച്ച തിരിച്ചറിയൽ രേഖ എന്നിവയുടെ സാക്ഷ്യപ്പെടുത്തിയ പകർപ്പുകൾ കൈവശം ഉണ്ടായിരിക്കണം.
നാളെ രാവിലെ പത്തിന് വാക്ക് ഇന്റർവ്യൂ മുഖേനയാകും ഉദ്യോഗാർത്ഥികളെ തിരഞ്ഞെടുക്കുക. നാഷണൽ ആയുഷ് മിഷൻ ജില്ലാ ഓഫീസിലാണ് അഭിമുഖം നടക്കുന്നത്. വിശദവിവരങ്ങൾക്ക് 04872939190 എന്ന നമ്പറിൽ ബന്ധപ്പെടാവുന്നതാണ്.
