വനിതാ പ്രീമിയർ ലീഗിൽ ബാംഗ്ലൂരിന്റെ വിജയത്തിൽ നിർണായക പങ്കുവഹിച്ച താരമാണ് ശ്രേയങ്ക പാട്ടീൽ. ഓഫ് സ്പിന്നറായ ശ്രേയങ്ക, കലാശപ്പോരിൽ നാലുവിക്കറ്റും പിഴുതെടുത്തിരുന്നു. ഡൽഹി ക്യാപ്റ്റൻ മെഗ് ലാനിംഗിന്റെ വിക്കറ്റും ഇതിലുണ്ട്. വിരാട് കോലിയുടെ കടുത്ത ആരാധികയായ താരം, ‘ഫാൻഗേൾ’ നിമിഷത്തെക്കുറിച്ച് തുറന്നു പറഞ്ഞിരിക്കുകയാണ്. ആർസിബി അൺബോക്സ് ചടങ്ങിൽ വിരാടിനൊപ്പമെടുത്ത ചിത്രവും ശ്രേയങ്ക പങ്കുവച്ചിട്ടുണ്ട്.
‘ കുഞ്ഞിലെ മുതൽ ടിവിയിൽ വിരാട് കോലിയുടെ ക്രിക്കറ്റ് കണ്ട് വളർന്നവളാണ് ഞാൻ. അദ്ദേഹത്തെ പോലെയാകാൻ പരിശ്രമിക്കുകയും സ്വപ്നം കാണുകയും ചെയ്തു. എന്റെ ജീവിതത്തിലെ ഏറ്റവും മനോഹരമായ രാത്രിയാണ് കഴിഞ്ഞ ദിവസത്തേത്. ‘ഹായ് ശ്രേയങ്ക, നന്നായി ബൗൾ ചെയ്തു’ എന്ന് അദ്ദേഹം എന്നെ പ്രശംസിച്ചു. അദ്ദേഹത്തിന് എന്റെ പേര് അറിയാം.- താരം എക്സിൽ കുറിച്ചു.
Started watching cricket cos of him. Grew up dreaming to be like him. And last night, had the moment of my life. Virat said,
“Hi Shreyanka, well bowled.”
He actually knows my name 😬😬😬#StillAFanGirl #rolemodel pic.twitter.com/z3DB0C8Pt0— Shreyanka Patil (@shreyanka_patil) March 20, 2024
“>
21-കാരിയായ ശ്രേയങ്ക പ്രീമിയർ ലീഗിന്റെ രണ്ടാം സീസണിൽ 13 വിക്കറ്റുമായി പർപ്പിൾ ക്യാപ്പും സ്വന്തമാക്കി. കഴിഞ്ഞ ഡിസംബറിൽ അന്താരാഷ്ട്ര ക്രിക്കറ്റിൽ അരങ്ങേറിയ താരം രണ്ട് ഏകദിനത്തിലും ആറ് ടി20യിലും ഇന്ത്യയെ പ്രതിനിധീകരിച്ചു. 12 വിക്കറ്റുകളും അന്താരാഷ്ട്രതലത്തിൽ വീഴ്ത്തി.