മുംബൈ: മഹാരാഷ്ട്രയിലെ ഹിങ്കോളിയിൽ ഭൂചലനം. 10 മിനിറ്റിനിടെ രണ്ടു തവണ പ്രകമ്പനം ഉണ്ടായി. രാവിലെ 6.08 നും 6.19 നുമാണ് പ്രകമ്പനം അനുഭവപ്പെട്ടത്.
ആദ്യ പ്രകമ്പനം റിക്ടര് സ്കെയിലില് 4.5 തീവ്രതയും രണ്ടാമത്തെ പ്രകമ്പനം റിക്ടര് സ്കെയിലില് 3.6 തീവ്രതയും രേഖപ്പെടുത്തി. സംഭവത്തില് ആളപായമോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല.
ജനങ്ങള് ആശങ്കപ്പെടേണ്ട സാഹചര്യമില്ലെന്നും തീവ്രത കുറഞ്ഞ ഭൂചലനമാണെന്നും അധികൃതര് അറിയിച്ചു. ഹിങ്കോളിയിലെ പത്തു കിലോമീറ്റര് ചുറ്റളവിലാണ് പ്രകമ്പനം അനുഭവപ്പെട്ടത്.
