കയ്യടിച്ച് കേന്ദ്രസർക്കാരും; മോഷ്ടക്കാളെ പഞ്ഞിക്കിട്ട അമ്മയ്‌ക്കും മകൾക്കും കേന്ദ്രത്തിന്റെ അഭിനന്ദന കത്ത്

ഹൈദരാബാദ്: ആയുധധാരികളായ മോഷ്ടാക്കളെ അടിച്ച് നിലംപരിശാക്കിയ അമ്മയെയും മകളെയും അഭിനന്ദിച്ച് കേന്ദ്രസർക്കാർ. റസൂൽപുരയിലെ ഇവരുടെ വീട്ടിലെത്തിയാണ് ബിജെപി സംസ്ഥാന നേതൃത്വം കേന്ദ്രസർക്കാരിന്റെ അഭിനന്ദന കത്ത് കൈമാറിയത്. സംസ്ഥാന അദ്ധ്യക്ഷൻ ജി കിഷൻ റെഡ്ഡിയാണ് വീട്ടിലെത്തി ഇരുവരെയും അഭിനന്ദിച്ചതും കേന്ദ്രസർക്കാരിന്റെ അഭിന്ദന കത്ത് കൈമാറിയതും. മോഷ്ടാക്കളെ അടിച്ച് നിലംപരിശാക്കുന്ന ഇരുവരുടെയും വീഡിയോ സമൂഹമാദ്ധ്യമങ്ങളിൽ വൈറലായിരുന്നു.

#WATCH | Hyderabad: Telangana BJP President G Kishan Reddy felicitates and gives a Letter of Appreciation from the Government of India to the mother-daughter duo who fought against the armed robbers who had entered their home in Rasoolpura. https://t.co/45CnNBZ1Ks pic.twitter.com/c8oAvUT64a

— ANI (@ANI) March 23, 2024

“>

കഴിഞ്ഞ വ്യാഴാഴ്ചയാണ് സംഭവം. വീട്ടിൽ എത്തിയ സംഘം അമ്മയ്‌ക്കും മകൾക്കും നേരെ തോക്ക് ചൂണ്ടുകയും വിലപിടിപ്പുള്ള സാധനങ്ങൾ നൽകണമെന്ന് ആവശ്യപ്പെടുകയും ചെയ്തു. എന്നാൽ ആയോധനകലയിൽ പ്രാവീണ്യമുള്ള അമ്മ തോക്ക് തട്ടിയെടുക്കുകയും മകളുമായി ചേർന്ന് ഇരുവരേയും കൈകാര്യം ചെയ്യുകയുമായിരുന്നു.

#WATCH | Hyderabad, Telangana: A mother and daughter fight back against two armed robbers who enter their residence to rob and kill them, in Paigah Colony, Rasoolpura.

(CCTV visuals, confirmed by Hyderabad Police) pic.twitter.com/QRiVGauYOo

— ANI (@ANI) March 22, 2024

“>

ഹെൽമറ്റ് ധരിച്ചിരുന്ന കള്ളനെ പിടികൂടാൻ അമ്മയും മകളും ശ്രമിക്കുന്നത് സിസിടിവി ദൃശ്യങ്ങളിൽ കാണാം. ഒടുവിൽ അവനെ കയ്യിൽ കിട്ടിയപ്പോൾ അടിച്ച് അവശനാക്കി നിലത്തിട്ട് ചവിട്ടി ഗേറ്റിന് പുറത്താക്കുകയും ചെയ്തു. ബഹളം കേട്ട് നാട്ടുകാർ ഓടിയെത്തുന്നതും വീഡിയോയിൽ കാണാം. സംഭവത്തിൽ കേസെടുത്ത് അന്വേഷണം ആരംഭിച്ചതിന് പിന്നാലെ പൊലീസ് വീട്ടിലെത്തി അമ്മയേയും മകളേയും പൊന്നാട അണിയിച്ച് ആദരിക്കുകയും ചെയ്തു.