തിരുവനന്തപുരം; ജനങ്ങൾ നൽകുന്ന സ്നേഹവും പരിഗണനയുമാണ് പ്രവർത്തിക്കാനുള്ള ഊർജ്ജമെന്ന് ധനമന്ത്രി നിർമലാ സീതാരാമൻ. പൊതുയിടങ്ങളിൽ യാത്ര ചെയ്യുമ്പോൾ ഓരോരുത്തരും വന്ന് സെൽഫി എടുക്കുകയും സ്നേഹം പങ്കിടുകയും ചെയ്യുമ്പോൾ അത് തന്റെ ഹൃദയത്തെ വല്ലാതെ സ്വാധീനിക്കും. ജനങ്ങൾ നൽകുന്ന സ്നേഹത്തിനും പരിഗണനയ്ക്കും ഓരോരുത്തരോടും നന്ദിയുണ്ടെന്നും നിർമലാ സീതാരാമൻ പറഞ്ഞു. ജനം ടിവി ചീഫ് എഡിറ്റർ പ്രദീപ് പിള്ളയുമായി നടത്തിയ അഭിമുഖത്തിലാണ് മന്ത്രി ജനങ്ങളുടെ സ്നേഹത്തിന് നന്ദി അറിയിച്ചത്.
ശക്തയായ രാഷ്ട്രീയക്കാരിയും മന്ത്രിയുമായ നിർമലാ സീതാരാമന്റെ കൂടെ സെൽഫി എടുക്കാനും സംസാരിക്കാനും ആളുകൾ എത്തുന്നത് അതിശയത്തോടെ കാണാറുണ്ടോ എന്ന ചോദ്യത്തിനാണ് മന്ത്രിയുടെ പ്രതികരണം.
ജനങ്ങൾ ചേർന്ന് നിന്ന് സെൽഫിയെടുക്കുമ്പോൾ ഒരിക്കലും അതിശയമല്ല തോന്നുന്നത്. സന്തോഷമാണ് തോന്നാറുള്ളത്. ഉത്തരവാദിത്തങ്ങൾ കൃത്യതയോടെ നിർവഹിക്കാനുള്ള പ്രചോദനമാണത്. ജനങ്ങൾ നൽകുന്ന സ്നേഹത്തിനും പരിഗണനയ്ക്കും നന്ദിയുണ്ട്. മന്ത്രി അഭിമുഖത്തിൽ വ്യക്തമാക്കി.