ജയ്പൂർ : മുസ്ലീം പള്ളിയ്ക്ക് മുന്നിലൂടെ കടന്നുപോയ രാമലീല ഘോഷയാത്രയ്ക്ക് നേരെ മതമൗലികവാദികളുടെ ആക്രമണം . ഘോഷയാത്രയിൽ പങ്കെടുത്ത ഹിന്ദു വിശ്വാസികളെ അക്രമിക്കുകയും ഉപകരണങ്ങൾ തകർക്കുകയും ചെയ്തു. ആക്രമണത്തിന്റെ നിരവധി വീഡിയോകൾ ഇൻ്റർനെറ്റിൽ പ്രചരിക്കുന്നുണ്ട്.
വെള്ളിയാഴ്ച നിസ്കാരം നടക്കുന്നുണ്ടെന്ന് പറഞ്ഞാണ് തീവ്ര ഇസ്ലാമിസ്റ്റുകൾ കോട്ട കൈത്തൂൺ പട്ടണത്തിലെ പള്ളിയ്ക്ക് മുന്നിലൂടെ വന്ന രാം ബരാത്ത് ഘോഷയാത്ര തടയാൻ ശ്രമിച്ചത് . എന്നാൽ രാം ബരാത്ത് അവിടെ എത്തിയപ്പോൾ പള്ളിയിൽ നിസ്കാരം നടക്കുകയായിരുന്നില്ലെന്ന് നാട്ടുകാർ വ്യക്തമാക്കി. എന്നിട്ടും ഘോഷയാത്രയുടെ സംഘാടകർ ഭജന നിർത്തി വച്ചു .
എന്നാൽ, ഘോഷയാത്ര മസ്ജിദ് കടന്നുപോകവേ, പിന്നിൽ നിന്ന് ഹിന്ദു ഭക്തർക്ക് നേരെ കല്ലേറുണ്ടായി. പാഞ്ഞടുത്ത അക്രമികൾ മ്യൂസിക് സിസ്റ്റം തകർക്കുകയും ചെയ്തു . സംഭവത്തിൽ നിരവധി പേർക്ക് പരിക്കേറ്റു . തുടർന്ന് പോലീസ് എത്തിയാണ് രംഗം ശാന്തമാക്കിയത് .ഇരുവിഭാഗവും തമ്മിൽ ചർച്ചകൾ നടന്നതിനാൽ സ്ഥിതിഗതികൾ നിയന്ത്രണവിധേയമാണെന്ന് പോലീസ് അറിയിച്ചു. മുൻകരുതൽ നടപടിയെന്ന നിലയിൽ, പോലീസ് ഉദ്യോഗസ്ഥരെ വിന്യസിച്ചിട്ടുണ്ട്. കൂടാതെ സംശയിക്കുന്നവരെയും സോഷ്യൽ മീഡിയ പ്രവർത്തനങ്ങളെയും നിരീക്ഷിക്കുന്നുമുണ്ട്.
രാം ബരാത്തിന്റെ ഭക്തർക്ക് നേരെയുണ്ടായ ആക്രമണം അപലപനീയമാണെന്ന് വിശ്വഹിന്ദു പരിഷത്ത് നേതാവ് യോഗേഷ് റെൻവാൾ പറഞ്ഞു. ഈ ആക്രമണം ഒരു കാരണവശാലും വെച്ചുപൊറുപ്പിക്കില്ലെന്നും , അക്രമികൾക്കെതിരെ ശക്തമായ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
