എന്താണ് വൈരൂപ്യം? നാം കണ്ടുശീലിച്ച ആകൃതിയോ രൂപസാദൃശ്യമോ ഇല്ലാത്ത, കണ്ണുകൾക്ക് തീർത്തും പുതിയ കാഴ്ചാനുഭവം നൽകുന്ന, വിചിത്രമെന്ന തോന്നലുണ്ടാക്കുന്ന രൂപങ്ങളെയാണ് പൊതുവെ വിരൂപമായി മുദ്രകുത്തുന്നത്. ഇത്തരത്തിൽ കാണുന്ന രൂപ‌ങ്ങളെ മോശമെന്നും വൃ‍ത്തികെട്ടതെന്നും പലരും അഭിസംബോധന ചെയ്യാറുണ്ട്. വ്യത്യസ്തമാണെന്ന ഒറ്റകാരണത്താലാണ് പലപ്പോഴും ചില ജന്തുക്കളെ കാണുമ്പോൾ വിരൂപമായി അനുഭവപ്പെടുക എന്നിരിക്കെയെങ്കിലും ചില ജീവികളെ ‘വൃത്തികെട്ടതായി’ രേഖപ്പെടുത്തുന്നു.
ലോകത്തെ ഏറ്റവും ‘വൃത്തികെട്ട’ പത്ത് ജന്തുക്കളെ പരിചയപ്പെടാം..
അയ്-അയ്
ഉന്തിയ കണ്ണുകളുള്ള ഒരുതരം ജന്തുവാണിത്. ഇവയുടെ നടുവിരലിന് നീളം കൂടുതലായിരിക്കും. വവ്വാലിന്റേതിന് സമാനമാണ് ചെവികൾ. മഡഗാസ്കർ ദ്വീപിലാണ് കാണപ്പെടുക. മഴക്കാടുകളാണ് ആവാസകേന്ദ്രം
മാന്റിസ് ഷ്രിംപ്
ഞണ്ട്, ചെമ്മീൻ തുടങ്ങിയ Crustacean ഗണത്തിൽപ്പെട്ട സമുദ്രജീവികളിൽപ്പെടുന്ന ഒന്നാണ് മാന്റിസ് ഷ്രിംപ്. ഈച്ചയുടെയും പുഴുവിന്റെയും മിശ്രിത രൂപസാദൃശ്യമാണ് ഇതിനുള്ളത്.
തോർണി ഡ്രാഗൺ
കൂർത്ത മുനയുള്ള നട്ടെല്ലാണ് ഇവയുടെ പ്രത്യേകത. ശരീരം മുഴുവൻ മുള്ളുപോലെ കാണപ്പെടും. തോർണി-ഡെവിൽ എന്നും ഇത് അറിയപ്പെടുന്നു. ഓസ്ട്രേലിയയിലാണ് കണ്ടുവരുന്നത്. മുള്ളൻപന്നി പോലെ മുള്ളൻ-പല്ലിയെന്ന് ഇതിനെ വിശേഷിപ്പിക്കാം. ശരീരം മുള്ളുപോലെയിരിക്കുന്നതിനാൽ ഇവയെ അക്രമിക്കുന്ന ജന്തുക്കൾക്ക് ഭക്ഷണമാക്കാൻ പ്രയാസമാണ്.
ബ്ലോബ് ഫിഷ്
ആഴക്കടലിൽ കണ്ടുവരുന്ന ജീവിയാണിത്. മിനുസമാർന്ന ശരീരമാണ് പ്രത്യേകത. നിരാശ തോന്നുന്ന മുഖമാണിതിന്. ലോകത്തിലെ ഏറ്റവും വൃത്തികെട്ട ജീവിയെന്ന വിശേഷണവും ബ്ലോബ് ഫിഷിനാണ്. എന്നാൽ പലരും ഇതിനെ ഓമനത്തമുള്ള ജീവിയായി കണക്കാക്കുന്നുമുണ്ട്.
സൈഗ ആന്റെലോപ്
ഉന്തി നിൽക്കുന്ന വിചിത്രമായ മൂക്കാണ് ഇതിന്റെ പ്രത്യേകത. കസാഖിസ്ഥാൻ, മംഗോളിയ, തുർക്ക്മെനിസ്ഥാൻ. ഉസ്ബെക്കിസ്ഥാൻ ഏരിയകളിലാണ് ഇവയെ കാണപ്പെടുന്നത്.
അക്സോലോന്റൽ
മെക്സിക്കൻ തടാകങ്ങളിൽ കാണപ്പെടുന്ന ഒരുതരം സമുദ്രജീവിയാണിത്. ലോകത്ത് വളരെ കുറച്ച് എണ്ണം മാത്രമേ ഇവയുള്ളൂ.
സ്ലോത്ത്
വളരെ സാവധാനം ചലിക്കുന്ന ജീവിയാണിത്. ചിരിക്കാൻ കഴിവുണ്ട്. ഒരിനം സസ്തനിയാണ്. മരങ്ങളിലാണ് വാസം.
നേക്കഡ്മോൾ റാറ്റ്
വലിയ പല്ലുള്ള, ശരീരത്തിൽ രോമങ്ങളില്ലാത്ത ജീവിയാണിത്. തൊലി ഉരിഞ്ഞെടുത്ത പോലെ ഇത് കാണപ്പെടുന്നു. ഒരുതരം എലിയാണിത്. മണൽ നായകുട്ടിയെന്നും ഇത് അറിയപ്പെടുന്നു. ശരീരത്തിന് പിങ്ക് നിറമാണ്. കിഴക്കൻ ആഫ്രിക്കയിലാണ് പൊതുവെ കാണപ്പെടുന്നത്.
ലെമുർ
കുരങ്ങുകളോട് സാദൃശ്യമുള്ള ജീവിയാണിത്. ലെമൂറിൽ 15 ജനുസുകളും 100 സ്പീഷിസുകളുമുണ്ട്. മഡഗാസ്കർ ദ്വീപുകളിലാണ് കാണപ്പെടുന്നത്.
ഡംപോ ഒക്ടോപസ്
ആഴക്കടലിൽ കണ്ടുവരുന്ന ഒരുതരം നീരാളി. ബെൽ രൂപത്തിലാണ് ഇത് കാണപ്പെടുക. ഇതിന്റെ ചെവികളുടെ ആകൃതി പ്രത്യേകത നിറഞ്ഞതാണ്.
