ലോകത്തിലെ ഏറ്റവും പ്രായം കൂടിയ മനുഷ്യന് വിട ചൊല്ലി ലോകം. 2022-ൽ ഗിന്നസ് വേൾഡ് റെക്കോർഡിൽ ഇടം നേടിയ വെനസ്വേലൻ സ്വദേശി ജുവാൻ വിസെന്റെ പെരസ് മോറയാണ് (Juan Vicente Perez Mora) 114-ാം വയസിൽ മരണത്തിന് കീഴടങ്ങിയത്. വെനസ്വേലൻ പ്രസിഡന്റ് നിക്കോളാസ് മഡുറോയാണ് വിയോഗവാർത്ത ലോകത്തെ അറിയിച്ചത്.
2022 ഫെബ്രുവരി നാലിനാണ്, 112 വയസും 253 ദിവസവും പ്രായമുള്ള പെരസിനെ ഗിന്നസ് പ്രകാരം ജീവിച്ചിരിക്കുന്ന ഏറ്റവും പ്രായം കൂടിയ മനുഷ്യനായി ഔദ്യോഗികമായി സ്ഥിരീകരിച്ചത്. 11 കുട്ടികളുടെ പിതാവാണ് അദ്ദേഹം. 2022-ലെ കണക്ക് പ്രകാരം 41 പേരകുട്ടികളും 18 കൊച്ചുമക്കളും 12 ചെറുമക്കളും ഇദ്ദേഹത്തിനുണ്ട്.
പത്ത് മക്കളിൽ ഒൻപതാമനായ 1909 മെയ് 27-ന് ആൻഡിയൻ സംസ്ഥാനമായ തച്ചിറയിലെ എൽ കോബ്രെ പട്ടണത്തിലാണ് ജനനം. അഞ്ചാം വയസിൽ പിതാവിനൊപ്പം കാർഷിക മേഖലയിൽ ഇറങ്ങി. പിന്നീട് ഗ്രാമത്തലവനായിരുന്നു പെരസെന്ന് ഗിന്നസ് റെക്കോർഡ്സിൽ പറയുന്നു.
