വില കൂടിയതും ക്രേസ് ഉള്ളതുമായ കാറുകളിൽ ബിഎംഡബ്ല്യു തന്നെയാണ് മുന്നിൽ . മിക്ക ആളുകളോടും ഏതുതരം കാറാണ് ഇഷ്ടമെന്ന് ചോദിച്ചാൽ..മറുപടി BMW എന്നാകും .
സ്റ്റാറ്റസ് സിമ്പലാണ് ബിഎംഡബ്ല്യുവിന്റെ ലോഗോ. ഒരു വൃത്തത്തിനുള്ളിൽ വെള്ളയും കറുപ്പുമുള്ള നാലുകളങ്ങളും അതിന് ചുറ്റുമുള്ള കറുത്ത വൃത്തത്തിൽ ബിഎംഡബ്ല്യു എന്ന എഴുത്തുമാണ് ലോഗോ. ബാവേറിയയുടെ ദേശീയ പതാകയിലെ നിറങ്ങളാണ് ലോഗോയിൽ ഉപയോഗിച്ചിരിക്കുന്നതെന്നാണ് ഒരു നിഗമനം. എന്നാൽ അങ്ങനെയല്ല മറിച്ച് ആകാശവും പ്രൊപ്പല്ലറും ചേർത്തുവെച്ചാണ് ലോഗോ നിർമ്മിച്ചിരിക്കുന്നതെന്നാണ് മറുപക്ഷം. എന്തായാലും ലോകത്തിൽ ഏറ്റവും അധികം വിലപിടിപ്പുള്ള ലോഗോയിൽ ഒന്നാണ് ബിഎംഡബ്ല്യുവിന്റേത്.
ബിഎംഡബ്ല്യു കമ്പനിയുടെ പൂർണരൂപത്തെക്കുറിച്ചും പലരും സോഷ്യൽ മീഡിയ പ്ലാറ്റ്ഫോമുകളിലൂടെ സംശയം പ്രകടിപ്പിക്കുന്നുണ്ട്. ബിഎംഡബ്ല്യു 3 സീരീസ്, ബിഎംഡബ്ല്യു 5 സീരീസ്, ബിഎംഡബ്ല്യു എക്സ്5, ബിഎംഡബ്ല്യു എക്സ്1, ബിഎംഡബ്ല്യു 7 സീരീസ്, ബിഎംഡബ്ല്യു എക്സ്എം, ബിഎംഡബ്ല്യു ഐ4 എന്നിങ്ങനെ നിരവധി കാറുകൾ ഉണ്ട്. എന്നാൽ മിക്കവരും പറയുന്നത് ബിഎംഡബ്ല്യു എന്നാണ്. പക്ഷേ, ആർക്കും അതിന്റെ മുഴുവൻ പേര് വ്യക്തമായി പറയാൻ കഴിയില്ല.
BMW എന്നാൽ ജർമ്മൻ ഭാഷയിൽ Bayerische Motoren Werke GmbH (Bayerische Motoren Werke GmbH) എന്നാണ് അർത്ഥമാക്കുന്നത്, ഇംഗ്ലീഷിൽ Bavarian Engine Works Company എന്നാണ്. ബവേറിയ സംസ്ഥാനത്താണ് ബിഎംഡബ്ല്യു കമ്പനി സ്ഥാപിതമായത്. അങ്ങനെ അത് ആദ്യത്തെ വാക്കായി ചേർത്തു.. കമ്പനി ഒരു എൻജിൻ നിർമ്മാണ കമ്പനിയായതിനാൽ രണ്ടാമത്തെ വാക്ക് മോട്ടോർ എന്നും ചേർത്തു.