തിരുവനന്തപുരം: ലോക്സഭ തെരഞ്ഞെടുപ്പിനായുള്ള അന്തിമ വോട്ടർപ്പട്ടിക പുറത്തുവിട്ടു. 2,77,49,159 വോട്ടർമാരാണ് ഈ അവസാന വോട്ടർപട്ടികയിൽ സംസ്ഥാനത്താകെയുള്ളത്.
ആകെ വോട്ടർമാരിൽ 1,43,33,499 പേർ സ്ത്രീകളും 1,34,15293 പേർ പുരുഷന്മാരുമാണ്. 367 മൂന്നാം ലിംഗരും ഇത്തവണ ജനവിധിയെഴുതും. 18-19 പ്രായക്കാരായ 5,34,394 കന്നിവോട്ടർമാരാണ് പട്ടികയിലുള്ളത്. 80 വയസിന് മുകളിൽ പ്രായമുള്ള 6,27,045 പേരും പട്ടികയിലുണ്ട്.
മലപ്പുറം ജില്ലയിലാണ് വോട്ടർമാർ കൂടുതലുള്ള ജില്ല. 33,93,884 വോട്ടർമാരാണ് ജില്ലയിലുള്ളത്. ഏറ്റവും കൂടുതൽ സ്ത്രീ വോട്ടർമാരും ഇവിടെ തന്നെയാണ്. ആകെ 16,97,132 പേർ. ഏറ്റവുമധികം വോട്ടർമാരുള്ള മണ്ഡലം തൃശൂരാണ്. 14,83,055 പേരാണ് വോട്ട് കുത്തുക. കുറവ് വോട്ടർമാരുള്ളത് വയനട്ടിലാണ്- 6,35,930 പേർ. ആകെ 89,839 പ്രവാസി വോട്ടർമാരാണുള്ളത്. ഇതിൽ 35,793 പേരും കോഴിക്കോട് ജില്ലയിലുള്ളവരാണ്.
ഏുപ്രിൽ 26-നാണ് കേരളത്തിൽ വോട്ടെടുപ്പ് നടക്കുന്നത്. ജൂൺ നാലിന് ഫലം പ്രഖ്യാപിക്കും. രാജ്യത്തിന്റെ പൾസ് അറിഞ്ഞുള്ള മത്സരത്തിനാണ് ഇത്തവണ രാജ്യം സാക്ഷ്യം വഹിക്കുന്നതെന്ന് മുന്നണികൾ പറയുന്നു,
