പത്തനംത്തിട്ട: മേടമാസ -വിഷു പൂജകൾക്കായി ശബരിമല ശ്രീ ധര്മ്മശാസ്താ ക്ഷേത്ര നട ഏപ്രില് 10ന് -വൈകിട്ട് അഞ്ചിന് തുറക്കും. ക്ഷേത്ര തന്ത്രി കണ്ഠരര് മഹേഷ് മോഹനരുടെ മുഖ്യകാര്മ്മികത്വത്തില് ക്ഷേത്രമേല്ശാന്തി പി.എന്. മഹേഷ് നമ്പുതിരി ക്ഷേത്രശ്രീകോവില് നട തുറന്ന് ദീപം തെളിക്കും. ശേഷംഗണപതി, നാഗര് എന്നീ ഉപദേവതാ ക്ഷേത്ര നടകളും മേല്ശാന്തി തുറന്ന് വിളക്കുകളും തെളിക്കും.
ആഴിയിൽ മേൽ ശാന്തി അഗ്നി പകരുന്നതോടെ ഭക്തർരുടെ ദർശനത്തിന് തുടക്കമാകും. മാളികപ്പുറം മേൽശാന്തി മുരളി നമ്പൂതിരി മാളികപ്പുറം ക്ഷേത്ര നടതുറന്ന് ഭക്തർക്ക് മഞ്ഞൾപ്പൊടി പ്രസാദം വിതരണം ചെയ്യും.
നട തുറക്കുന്ന ദിവസം പ്രത്യേക പൂജകൾ ഉണ്ടായിരിക്കില്ല. 11 ന് പുലര്ച്ചെ 5ന് ക്ഷേത്രനട തുറന്നക്കുമ്പോൾ നെയ്യഭിഷേകമുണ്ടാകും. മേടം ഒന്നായ ഏപ്രില് 14 ന് പുലര്ച്ചെ 3 മണിക്ക് തിരുനട തുറക്കും. തുടര്ന്ന് വിഷുക്കണി ദര്ശനവും കൈനീട്ടം നല്കലും, പിന്നീട് പതിവ് അഭിഷേകവും നെയ്യഭിഷേകവും ഗണപതി ഹോമവും നടക്കും. പൂജകള് പൂര്ത്തിയാക്കി ഏപ്രില് 18ന് തിരുനട അടയ്ക്കും.
