‘എം.80 മൂസ’ എന്ന സീരിയലിലൂടെ ശ്രദ്ധേയനായ നടകനാണ് വിനോദ് കോവൂർ. സീരിയലുകളിലൂടെയും കോമഡി ഷോകളിലൂടെയും മലയാളികൾക്ക് പ്രിയപ്പെട്ട നടനാണ് അദ്ദേഹം.
കോഴിക്കോട് സേവാഭാരതി ബാലികാ സദനത്തിലെ കുട്ടികളെ കാണാനെത്തിയിരിക്കുകയാണ് അദ്ദേഹം. അവധി ദിനമായ ഇന്നലെയായിരുന്നു സന്ദർശനം. ഇതിന്റെ ചിത്രവും വിനോദ് കോവൂർ സമൂഹമാദ്ധ്യമങ്ങളിൽ പങ്കുവച്ചു. ഒരുപാട് സന്തോഷം തന്നു ദിനമെന്ന അടിക്കുറിപ്പോടെയാണ് അദ്ദേഹം ചിത്രം പങ്കുവച്ചത്.
സമൂഹത്തിലെ പാവപ്പെട്ട വിഭാഗങ്ങളിലെ പെൺകുട്ടികൾക്ക് സുരക്ഷിതമായ അഭയം നൽകുന്നതിനായി 2005-ലാണ് സേവാഭാരതി ബാലിക സദനം രൂപീകരിച്ചത്. കോഴിക്കോട് ജില്ലയിലെ ചേറ്റുവയിലെ മൂഴിക്കലിലാണ് സ്ഥാപനം പ്രവർത്തിക്കുന്നത്. 40 അന്തേവാസികളാണ് ഇവിടെയുള്ളത്.
