സാധാരണയായി പത്തോ പതിനാറോ പേരെയാണ് ഒരു ലിഫ്റ്റിൽ ഉൾക്കൊള്ളുക . എന്നാൽ മുംബൈയിലെ ജിയോ വേൾഡ് സെന്ററിൽ സ്ഥാപിച്ചിട്ടുള്ള ലിഫ്റ്റിൽ ഒരേ സമയം 200 പേർക്ക് നിൽക്കാം . കണ്ടാൽ ഫൈവ് സ്റ്റാർ ഹോട്ടലിന് സമാനമാണ് ലിഫ്റ്റിന്റെ അകത്തളം . 17 ടൺ ഭാരമുള്ള ഈ ലിഫ്റ്റ് ലോകത്തിലെ ഏറ്റവും വലിയ ലിഫ്റ്റായി കണക്കാക്കപ്പെടുന്നു.
ലിഫ്റ്റിനുള്ളിൽ ഇരിക്കാൻ സോഫകളും സ്ഥാപിച്ചിട്ടുണ്ട്. ലിഫ്റ്റിന്റെ തറ മാർബിൾ പാകിയതാണ് . കോൺ കോർപ്പറേഷൻ ഇന്ത്യയുടെ അനുബന്ധ സ്ഥാപനമായ കോൺ എലിവേറ്റേഴ്സാണ് ഈ ലിഫ്റ്റ് നിർമ്മാണത്തിന് പിന്നിൽ .
25.78 സ്ക്വയർ മീറ്ററാണ് ലിഫ്റ്റിന്റെ വലുപ്പം. . മറ്റുള്ള ലിഫ്റ്റുകളിൽ നിന്ന് വ്യത്യസ്തമായി മുകളിലേക്കുയർത്തുന്ന മെഷീൻ ഇവിടെ ലിഫ്റ്റിന്റെ അടിഭാഗത്തായാണ് ഘടിപ്പിച്ചിരിക്കുന്നത്. ആറ് വർഷത്തോളം പ്ലാൻ ചെയ്താണ് വമ്പൻ ലിഫ്റ്റ് യാഥാർത്ഥ്യമാക്കിയത് . 1857ൽ ന്യൂയോക്കിലെ ബ്രോഡ്വേയിലെ 5 നില ഹോട്ടലിലാണ് ലോകത്തിന്റെ ആദ്യത്തെ പാസഞ്ചർ ലിഫ്റ്റ് സ്ഥാപിച്ചത്.
