ചെന്നൈ: വോട്ട് ചെയ്യാനെത്തിയ നടൻ വിജയ് ആൾക്കൂട്ടത്തിന് ഇടയിൽ പെട്ടു. കപലീശ്വരന്‍ നഗറിലെ നീലാങ്കരിയിലെ പോളിംഗ് ബൂത്തിലാണ് നടൻ വോട്ട് ചെയ്തത്. ആവേശം അതിര് കടന്ന് ആരാധകർ വിജയിയുടെ അരികിൽ എത്താൻ ശ്രമിച്ചതാണ് പ്രശ്നമായത്. നടന് നിസാര പരിക്കേറ്റതായാണ് വിവരം.
ആൾക്കൂട്ടത്തിനിടയിൽ നിന്ന് രക്ഷപ്പെടാൻ ശ്രമിക്കുന്ന നടന്റെ ദൃശ്യങ്ങൾ സോഷ്യൽ സമൂഹമാദ്ധ്യമങ്ങളിൽ വൈറലായിട്ടുണ്ട്. ഗോട്ട് സിനിമയുടെ ചിത്രീകരണവുമായി റഷ്യയിലായിരുന്നു താരം രാവിലെയാണ് ചെന്നൈയില്‍ എത്തിയത്.
தமிழக வெற்றிக் கழக தலைவர் விஜய், நீலாங்கரையில் உள்ள பள்ளியில் வாக்களித்தார் @actorvijay pic.twitter.com/o7axfsYery
— Thamaraikani (@kani_twitz24) April 19, 2024
മാർച്ച് മാസത്തിൽ തിരുവനന്തപുരത്ത് വിജയ് സഞ്ചരിച്ച കാർ ആരാധകർ തകർത്തിരുന്നു. വിമാനത്താവളത്തിൽ നിന്ന് ഹോട്ടലിലേക്കുള്ള യാത്ര മദ്ധ്യേയാണ് ഇന്നോവ കാറിന്റെ ചില്ലുകളും ഡോറുകളും തകർത്തത്. പൊട്ടിപൊളിഞ്ഞ നിലയിലുള്ള കാറിന്റെ വീഡിയോകളും ചിത്രങ്ങളും അന്ന് പുറത്ത് വന്നിരുന്നു.
